ബി.ബി.സി. തയ്യാറാക്കിയ ‘ഇന്ത്യ: ദി മോദി ക്വസ്റ്റ്യന്’ എന്ന ഡോക്യുമെന്ററി കേരളത്തില് പ്രദര്ശിപ്പിക്കുമെന്ന് ഡിവൈഎഫ്ഐ.കേന്ദ്ര സർക്കാർ വിലക്കിയ ബിബിസി ഡോക്യുമെന്ററി കേരളത്തിൽ പ്രദർശിപ്പിക്കുമെന്ന് ഡിവൈഎഫ്ഐ സംസ്ഥാന പ്രസിഡന്റ് വി. വസീഫ് അറിയിച്ചു. ഫേസ്ബുക്ക് പോസ്റ്റിലൂടെയാണ് വസീഫ് ഇക്കാര്യം വ്യക്തമാക്കിയത്. കേന്ദ്ര സർക്കാർ വിലക്കിയ ഡോക്യുമെന്ററി കഴിഞ്ഞ ദിവസം ഹൈദരാബാദ് സർവകലാശാലയിൽ പ്രദർശിപ്പിച്ചിരുന്നു.ഇന്ന് ഉച്ചയ്ക്ക് കോഴിക്കോട് നഗരത്തില് ഡോക്യുമെന്ററി പ്രദര്ശിപ്പിക്കുമെന്ന് ഡിവൈഎഫ്ഐ കോഴിക്കോട് ടൗണ് ബ്ലോക്ക് കമ്മിറ്റി അറിയിച്ചിട്ടുണ്ട്. സംസ്ഥാന അധ്യക്ഷന് വി.വസീഫാണ് സ്വിച്ച് ഓണ് ചെയ്യുകയെന്നാണ് അറിയിച്ചിരിക്കുന്നത്.ഡോക്യുമെന്ററി കേരളത്തില് പ്രദര്ശിപ്പിക്കുമെന്ന് സിപിഐഎം സംസ്ഥാന കമ്മിറ്റി അംഗം കെ അനില്കുമാറും ഇന്നലെ പറഞ്ഞിരുന്നു. മീഡിയാ വണ് ചര്ച്ചയിലാണ് അനില് കുമാര് ഇക്കാര്യം വ്യക്തമാക്കിയത്. ”ഡോക്യുമെന്ററി കേരളത്തില് പ്രദര്ശിപ്പിക്കുമെന്ന കാര്യത്തില് സംശയമെന്ത്. അറച്ച് നില്ക്കുന്നത് എന്തിന്. ലോകത്ത് എല്ലാവരും അറിഞ്ഞിരിക്കേണ്ട കാര്യമാണ്. ആരുടെയും അനുവാദത്തിന് കാത്തിരിക്കേണ്ട കാര്യമില്ല. സോഷ്യല്മീഡിയയില് നിയന്ത്രിക്കാം. രാജ്യത്ത് ആരും കാണാന് പാടില്ലെന്ന് ആര്ക്കാണ് പറയാന് സാധിക്കുക.”കെ അനില്കുമാര് പറഞ്ഞു.
അതേസമയം ഡോക്യുമെന്ററിയുടെ രണ്ടാം ഭാഗം ബിബിസി ഇന്ന് സംപ്രേഷണം ചെയ്യും. 2019ലെ തെരഞ്ഞെടുപ്പിലടക്കം മോദി മുസ്ലീം വിരുദ്ധത സ്വീകരിച്ചുവെന്ന രീതിയിലാണ് രണ്ടാംഭാഗത്തിന്റെ പ്രമേയമെന്ന് സൂചനയുണ്ട്.
‘ഇന്ത്യ: ദി മോദി ക്വസ്റ്റ്യന്’ കേരളത്തില് പ്രദര്ശിപ്പിക്കുമെന്ന് ഡി വൈ എഫ് ഐ,ഡോക്യുമെന്ററിയുടെ 2ാം ഭാഗം ബിബിസി ഇന്ന് സംപ്രേഷണം ചെയ്യും
