കൃഷ്ണ കഥകളുടെവർണ്ണക്കാഴ്ചയായി ശോഭാ യാത്രകൾ ബാലഗോകുലങ്ങളുടെ ആഭിമുഖ്യത്തിൽ നടന്ന ശോഭയാത്രകൾ നേർ കാഴ്ചയായി

കുന്ദമംഗലം: കുന്ദമംഗലം മണ്ഡലത്തിൽ പന്ത്രണ്ട് കേന്ദ്രങ്ങളിൽ ശോഭയാത്രയും കുന്ദമംഗലം ടൗണിൽ മഹാശോഭയാത്രയും നടന്നു. മുറിയനാൽ , പന്തീർപാടം, നൊച്ചി പൊയിൽ, മലയൊടിയാവുമ്മൽ , ചൂലാംവയൽ, വലിയടം, കോരങ്കണ്ടി, വടക്കുംതല , കാരന്തൂർ കോട്ടാം പറമ്പ്, പെരിങ്ങൊളം, ഒഴയാടി എന്നിവിടങ്ങളിൽ നിന്നുള്ള ശോഭയാത്രകൾ ഐഐഎം ഗെയിറ്റിന് സമീപം സംഗമിച്ചു. മഹാശോഭയാത്ര ആഘോഷ കമ്മറ്റി രക്ഷാധികാരി കെ.പി വസന്തരാജ് ഭദ്രദീപം കൊളുത്തി ഉദ്ഘാടനം ചെയ്തു. കീഴ്പ്പോട്ടിൽ രവീന്ദ്രൻ സ്വാഗതം പറഞ്ഞ ചടങ്ങിൽ ആഘോഷ കമ്മറ്റി അധ്യക്ഷൻ കൃഷ്ണദാസ് ദ്വാരകാപുരി അധ്യക്ഷ വഹിച്ചു. ശ്രീരാജ് പന്തീർപാടം, ടി.പി സുരേഷ്, തളത്തിൽ ചക്രായുധൻ തുടങ്ങിയവർ സംബന്ധിച്ചു. ചെത്തു കടവിൽ നടന്ന ശോഭായാത്രയിൽ പടനിലം, പിലാശ്ശേരി, പൊയ്യ ,ചെത്തു കടവ്,കുരിക്കത്തുർ ,വര്യട്ട്യാക്ക് തുടങ്ങിയ 7 കേന്ദ്രങ്ങളിൽ നിന്നാരംഭിച്ച ശോഭായാത്രകൾ അമ്പലപടി ക്ഷേത്രത്തിൽ സമാപിച്ചു. ബാലചന്ദ്രൻ കൈപ്പച്ചാറ്റിൽ , ദേവൻ നമ്പൂതിരി , വൈശാഖ്, പ്രവീൺ പടനിലം നേതൃത്വം നൽകി