കോവിഡ് കേസുകള് ക്രമാനുഗതമായി വര്ധിക്കുന്ന സാഹചര്യത്തില് വിമാനയാത്രക്കാര്ക്ക് മാര്ഗനിര്ദേശവുമായി ഡയറക്ടര് ജനറല് ഓഫ് സിവില് ഏവിയേഷന് (ഡിജിസിഎ). മാസ്ക് ധരിക്കാതെ വരുന്ന ഒരു യാത്രക്കാരനേയും വിമാനത്തിൽ കയറ്റാൻ അനുവദിക്കില്ലെന്ന് ഡിജിസിഎ ഇന്ന് പുറത്തിറക്കിയ മാർഗ്ഗനിർദേശത്തിൽ പറയുന്നു. മാസ്ക് ധരിക്കാതെ യാത്ര ചെയ്യാൻ എത്തുന്നവരെ നോ ഫ്ലൈ ലിസ്റ്റിൽപ്പെടുത്തുമെന്നും ഡിജിസിഎ അറിയിക്കുന്നു. ദില്ലി ഹൈക്കോടതിയുടെ നിർദേശത്തെ തുടർന്നാണ് ഡിജിസിഎയുടെ നിർദേശം. മാസ്ക് ധരിക്കാതെയും കോവിഡ് പ്രോട്ടോകാള് പാലിക്കാതെയും എത്തുന്നവരെ അച്ചടക്കമില്ലാത്ത യാത്രക്കാരായി പരിഗണിക്കും. ഇത്തരത്തിലുള്ള യാത്രക്കാരെ വിമാനം പുറപ്പെടും മുമ്പ് പുറത്താക്കുമെന്നും ഡിജിസിഎ വ്യക്തമാക്കുന്നു. വിമാനത്താവളത്തില് കോവിഡ് മാര്ഗനിര്ദേശങ്ങള് നടപ്പാക്കാനുള്ള ചുമതല സിഐഎസ്എഫ് ജീവനക്കാര്ക്കാണെന്നും ഡിജിസിഎ കൂട്ടിച്ചേര്ത്തു.
മാസ്ക് ഇടാത്തവരെ വിമാനത്തിൽ യാത്ര ചെയ്യാൻ അനുവദിക്കില്ലെന്ന് ഡിജിസിഎ,മാസ്ക് ധരിച്ചില്ലെങ്കിൽ നോ ഫ്ലൈ ലിസ്റ്റിൽപ്പെടുത്തും,
