മഹാഭാരതം ടെലിവിഷന് പരമ്പരയിൽ ഭീമന് ആയി അഭിനയിച്ച നടനും കായികതാരവുമായ പ്രവീണ് കുമാര് സോബ്തി അന്തരിച്ചു.ഹാമര്, ഡിസ്കസ് ത്രോ ഇനങ്ങളില് നിരവധി രാജ്യാന്തര മീറ്റുകളില് ഇന്ത്യയെ പ്രതിനിധീകരിച്ചു പങ്കെടുത്തിട്ടുണ്ട്. 1966ലും 1970ലും നേടിയ സ്വര്ണം ഉള്പ്പെടെ നാല് ഏഷ്യന് ഗെയിംസ് മെഡല് ജേതാവാണ് പ്രവീണ് കുമാര്.മഹാഭാരതം സീരിയലിലെ ഭീമന്റെ റോള് ആണ് അവതരിപ്പിച്ചവയില് ഏറ്റവും ശ്രദ്ധേയം. ആറര അടിയിലേറെ പൊക്കവും വലിയ ആകാരവുമുള്ള പ്രവീണ് കുമാര് എഴുപതുകളുടെ അവസാനം ബോളിവുഡ് ചിത്രങ്ങളിലൂടെയാണ് അഭിനയ രംഗത്തേക്ക് എത്തുന്നത്.2013ല് ദില്ലിയിലെ വസിര്പൂര് മണ്ഡലത്തില് നിന്ന് അസംബ്ലിയിലേക്ക് മത്സരിച്ചെങ്കിലും പരാജയപ്പെട്ടു. ആം ആദ്മി ടിക്കറ്റിലായിരുന്നു ഇത്. പിന്നീട് ബിജെപിയില് ചേര്ന്നു.
മഹാഭാരതത്തിലെ ‘ഭീമന്’ നടനും,കായികതാരവുമായ പ്രവീണ് കുമാര് അന്തരിച്ചു;
