വിനീത് ശ്രീനിവാസനും പ്രണവ് മോഹന്ലാലും ആദ്യമായി ഒന്നിക്കുന്ന ചിത്രമായ ഹൃദയത്തിലെ പ്രണവിന്റെ ക്യാരക്റ്റര് പോസ്റ്റര് റിലീസ് ചെയ്തു. പ്രണവിന്റെ പിറന്നാൾ ദിനത്തോടനുബന്ധിച്ചാണ് പോസ്റ്റർ റിലീസ് ചെയ്തത്. മോഹൻലാൽ പോസ്റ്റർ തന്റെ ഫേസ്ബുക്ക് പേജിലൂടെ പങ്കുവെച്ചിട്ടുണ്ട്.
‘ഹൃദയത്തിലെ പ്രണവിന്റെ പോസ്റ്റർ പങ്കുവെക്കാൻ സാധിച്ചതിൽ അതിയായ സന്തോഷം. പിറന്നാൾ ആശംസകൾ അപ്പു. ചിത്രത്തിന്റെ എല്ലാ അണിയറപ്രവർത്തകർക്കും ആശംസകൾ’, മോഹൻലാൽ ഫേസ്ബുക്കിൽ കുറിച്ചു.
