പശ്ചിമ ബംഗാളില് തീപിടിത്തത്തിൽ ഏഴു മരണം. സെന്ട്രല് കൊല്ക്കത്തയിലെ സ്ട്രാന്ഡ് റോഡിലെ ന്യൂ കൊയിലാഘട്ട് കെട്ടിടത്തിന്റെ 13-ാം നിലയിലാണ് വൻതീപ്പിടിത്തമുണ്ടായത്. ഇന്നലെ വൈകിട്ടാണ് സംഭവം. നാല് അഗ്നിരക്ഷാ സേനാ ഉദ്യോഗസ്ഥരും ഒരു പോലീസുകാരനും ഒരു റെയില്വേ ഓഫീസറും ഒരു സുരക്ഷാജീവനക്കാരനുമാണ് മരിച്ചതെന്ന് അധികൃതരെ ഉദ്ധരിച്ച് എന്.ഡി.ടി.വി. റിപ്പോര്ട്ട് ചെയ്തു. അപകടത്തില് രണ്ടുപേരെ കാണാതായിട്ടുണ്ട്. മരിച്ചവരുടെ കുടുംബങ്ങള്ക്ക് പത്തുലക്ഷം രൂപ വീതം നല്കുമെന്നും മമത ബാനർജി പറഞ്ഞു.
12-ാം നിലയിലെ ലിഫ്റ്റിനുള്ളിലാണ് അഞ്ചു മൃതദേഹങ്ങള് കണ്ടെത്തിയത്. ലിഫ്റ്റിനുള്ളില് ശ്വാസം മുട്ടിയും പൊള്ളലേറ്റുമാണ് ഇവര് മരിച്ചത്. കെട്ടിടത്തിന്റെ 13-ാം നിലയിലാണ് തീപ്പിടിത്തമുണ്ടായത്. തുടര്ന്ന് അഗ്നിരക്ഷാ സേനയുടെ 25-ഓളം ഫയര് എന്ജിനുകള് സ്ഥലത്തെത്തി രക്ഷാപ്രവര്ത്തനം നടത്തി.
