അന്താരാഷ്ട്ര വനിതാ ദിനത്തില് ഇന്ന് കര്ഷകസമരം നടക്കുന്ന സിംഗു, തിക്രി, ഗാസിപൂര് എന്നിവിടങ്ങളിലെ പ്രതിഷേധ സമരങ്ങളില് പതിനായിരക്കണക്കിന് വനിതാ കര്ഷകരും വിദ്യാര്ത്ഥികളും, സാമൂഹ്യ പ്രവര്ത്തകരും സംഘടിക്കും. സിംഗു, തിക്രി, ഗാസിപ്പൂര് എന്നിവിടങ്ങളില് ആയിരക്കണക്കിന് സ്ത്രീകള് സംഘടിക്കുമെന്ന് സംയുക്ത കിസാന് മോര്ച്ച അറിയിച്ചു.
കര്ഷക സമരത്തില്, സംയുക്ത കിസാന് മോര്ച്ച എല്ലായ്പ്പോഴും വനിതാകര്ഷകരുടെ കരുത്തിന് പ്രാധാന്യം നല്കിയിട്ടുണ്ട്. ടോള് പ്ലാസകളോ സ്ഥിരം സമരവേദികളോ ആകട്ടെ, എല്ലാ പ്രതിഷേധ കേന്ദ്രങ്ങളിലും വനിതകള് നേതൃത്വം നല്കും. ഇത് അവരുടെ ദിവസമാണ്- സ്വരാജ് ഇന്ത്യ അധ്യക്ഷന് യോഗേന്ദ്ര യാദവിനെ ഉദ്ധരിച്ച് ഇന്ത്യാ ടുഡേ റിപ്പോര്ട്ട് ചെയ്തു. സിംഘു, ടിക്രി, ഗാസിപുര് തുടങ്ങിയ പ്രതിഷേധ കേന്ദ്രങ്ങളിലേക്കാണ് വിവിധ സംസ്ഥാനങ്ങളില്നിന്നുള്ള വനിതകള് എത്തുക. എല്ലാ കാര്ഷിക സംഘടനകള്ക്കും വനിതാ വിഭാഗം ഉണ്ടെങ്കിലും ഏറ്റവും കൂടുതല് അംഗബലമുള്ളത് ഭാരതീയ കിസാന് യൂണിയ(ഉഗ്രഹന്)നാണ്. തിങ്കളാഴ്ച അന്താരാഷ്ട്ര വനിതാദിനം ആഘോഷിച്ച ശേഷം സ്ത്രീകള് വീടുകളിലേക്ക് മടങ്ങുമെന്നും കര്ഷക സംഘടനാ നേതാക്കള് അറിയിച്ചു.