രാജ്യത്ത് കോവിഡ് കേസുകളുടെ എണ്ണത്തിൽ വർധന. കഴിഞ്ഞ 24 മണിക്കൂറിനിടെ 13,993 പേർക്കാണ് രോഗം സ്ഥിരീകരിച്ചത്. 101 പേർ കോവിഡ് ബാധിച്ച് മരിച്ചു. കഴിഞ്ഞ ജനുവരി 19 ന് കോവിഡ് രോഗികളുടെ പ്രതിദിന സംഖ്യ 18,855 ആയിരുന്നു. അതിനുശേഷം ആദ്യമായാണ് രോഗികളുടെ എണ്ണം കൂടുന്നത്. നിലവിൽ 1,09,77,387 പേർക്കാണ് രാജ്യത്ത് രോഗം സ്ഥിരീകരിച്ചത്. 1,06,78,048 പേർ രോഗമുക്തി നേടിയതായി ശനിയാഴ്ച ആരോഗ്യമന്ത്രാലയം പുറത്തുവിട്ട കണക്കുകൾ പറയുന്നു. ആകെ മരണസംഖ്യ 1,56,212 ആയി. നിലവില് 1,43,127 പേരാണ് ചികിത്സയിലുള്ളത്. ഫെബ്രുവരി 19 വരെ 21,02,61,480 സാമ്പിളുകൾ പരിശോധിച്ചതായി ഐസിഎംആറിന്റെ കണക്കുകൾ പറയുന്നു. ഇന്നലെ (വെളളിയാഴ്ച) മാത്രം 7,86,618 സാമ്പിളുകളാണ് പരിശോധിച്ചത്.
24 മണിക്കൂറിനിടെ രാജ്യത്ത് 13,993 പേർക്ക് കോവിഡ്
