റിപ്പബ്ലിക് ദിനത്തില് കര്ഷകര് നടത്തിയ ട്രാക്ടര് റാലിക്കിടെ ഉണ്ടായ സംഘർഷത്തിൽ പൊതുമുതല് നശിപ്പിക്കല്, ആയുധമുപയോഗിച്ച് പൊതുസേവകരെ ആക്രമിക്കല് തുടങ്ങിയവയിൽ 22 കേസുകൾ പോലീസ് ചാര്ജ് ചെയ്തു. എട്ട് ബസ്സുകളും 17 സ്വകാര്യ വാഹനങ്ങളും നശിപ്പിക്കപ്പെട്ടതായി പോലീസ് റിപ്പോര്ട്ടില് പറയുന്നു. 86 പോലീസുകാര്ക്ക് ആക്രമണത്തിനിടെ പരിക്കേറ്റിട്ടുണ്ട്. മുകര്ബ ചൗക്, ഗാസിപുര്, ഡല്ഹി ഐടിഒ, സീമാപുരി, നംഗ്ലോയി ടി പോയിന്റ്, തിക്രി അതിര്ത്തി, ചെങ്കോട്ട എന്നിവിടങ്ങളിലുണ്ടായ ആക്രമണങ്ങളിലാണ് പോലീസുകര്ക്ക് പരിക്കേറ്റത്. തിക്രിയിലും ഗാസിപുരിലും തിക്രിയിലും പ്രതിഷേധക്കാര് ബാരിക്കേഡ് തകര്ത്തുവെന്നും പോലീസ് വ്യക്തമാക്കി. ‘ഡല്ഹി പോലീസുമായി പലതവണ നടത്തിയ കൂടിക്കാഴ്ചയിലും സമാധാനപരമായി സമരം നടത്തുമെന്നാണ് സംയുക്ത കിസാന് മോര്ച്ചാ നേതാക്കള് വ്യക്തമാക്കിയത്. 12 മണിക്കാണ് സമരം ആരംഭിക്കുന്നതെന്നും, റാലി പോകുന്ന റോഡുകളും നേരത്തെ നിശ്ചയിച്ചുറപ്പിച്ചു. എന്നാല് രാവിലെ 8 മണിയോടെ റാലി ആരംഭിക്കുകയും നിശ്ചയിച്ച വഴിയില് നിന്ന് മാറി സഞ്ചരിക്കുകയും ചെയ്തു.എട്ടര മണിയോടെ ഏകദേശം 6000-7000 ട്രാക്ടറുകള് സമരത്തില് പങ്കെടുക്കാനെത്തി.’അതേസമയം, കർഷക സമരത്തെ തുടർന്ന് ഏർപ്പെടുത്തിയ പല നിയന്ത്രണങ്ങളും ഇന്നും തുടരും. ലാൽകില, ജുമ മസ്ജിദ് തുടങ്ങിയ സ്ഥലങ്ങളിലെ മെട്രോ സ്റ്റേഷനുകൾ ഇന്നും അടഞ്ഞു കിടക്കും. മൊൈബൽ ഇന്റർനെറ്റ് സേവനവും തടസപ്പെടും. സിംഘു, തിക്രി, ഗാസിപൂർ, മുകാബ്ര ചൗക് എന്നിവിടങ്ങളിലെ ഇന്റർനെറ്റ് സേവനമാണ് തടസപ്പെടുക.
കർഷക പ്രക്ഷോഭം; രജിസ്റ്റർ ചെയ്തത് 22 കേസുകൾ, 86 പോലീസുകാര്ക്ക് പരിക്ക്
