തിരുവനന്തപുരം: യു.ഡി.എഫ് കാലത്തെ നിയമസഭാ കയ്യാങ്കളി കേസ് പിന്വലിക്കണമെന്ന സര്ക്കാര് ആവശ്യം തിരുവനന്തപുരം സി.ജെ.എം കോടതി തള്ളി. കേസ് പിന്വലിക്കാനാവില്ലെന്നും പൊതുമുതല് നഷ്ടം വേണ്ടെന്ന് വെക്കാന് സാധിക്കില്ലെന്നുമായിരുന്നു കോടതിയുടെ നിരീക്ഷണം.
രണ്ട് ലക്ഷത്തിലേറെ തുകയുടെ നഷ്ടം അന്നത്തെ അക്രമ സംഭവത്തില് കണക്കാക്കിയതായി. പ്രോസിക്യൂട്ടര് കോടതിയില് സമ്മതിച്ചിട്ടുണ്ടെന്നും നിയമം ഉണ്ടാക്കുന്നവര് തന്നെ നിയമം ലംഘിച്ചുവെന്നും ഭരണപക്ഷത്ത് വന്ന ശേഷം അതിനെ വെള്ളപൂശുകയാണെന്നും ഹരജിക്കാരന്റെ അഭിഭാഷകന് സന്തോഷ് പ്രതികരിച്ചു. മന്ത്രിമാരായ ഇ.പി ജയരാജന്, കെ.ടി ജലീല് എന്നിവരുള്പ്പടെ ആറുപേരാണ് കേസിലെ പ്രതികള്.
എന്നാല് ജനപ്രതിനിധികള്ക്കെതിരായ കേസ് അനന്തമായി നീണ്ടുപോകുന്നത് അനുചിതമല്ലെന്നും കേസ് പിന്വലിക്കണമെന്നുമായിരുന്നു സര്ക്കാര് ആവശ്യപ്പെട്ടത്. എന്നാല് ഈ വാദം കോടതി അംഗീകരിച്ചില്ല.
