മടവൂർ: മടവൂർ പെയിൽ താഴം ഭാഗത്ത് നിന്ന് വാഷ് കണ്ടെടുത്ത് നശിപ്പിച്ചു. ഓണത്തോടനുബന്ധിച്ച് ജില്ലയി കുറ്റകൃത്യങ്ങൾ വർധിക്കാനുള്ള സാഹചര്യത്തിൽ എക്സൈസ് വകുപ്പിൻ്റെ സ്പെഷ്യൽ എൻഫോഴ്സ്മെൻറ് ഡ്രൈവ് ആരംഭിച്ചു. ഡെപ്യൂട്ടി എക്സൈസ് കമ്മീഷണർ താജുദ്ദീൻകുട്ടി നിർദ്ദേശപ്രകാരം എക്സൈസ് സ്പെഷൽ സ്ക്വാഡ് പ്രിവൻ്റീവ് ഓഫീസർ സന്തോഷ് ചെറുവോട്ടിൻ്റെ നേതൃത്വത്തിൽ നടത്തിയ റെയ്ഡിൽ 170 ലിറ്റർ വാഷ് കണ്ടെടുത്ത് നശിപ്പിച്ചു.
കേസിലെ പ്രതിയെക്കുറിച്ച് സൂചനകൾ ലഭ്യമായതായി എക്സൈസ് വൃത്തങ്ങൾ അറിയിച്ചു. ചേളന്നൂർ എക്സൈസ് റേഞ്ച് ഓഫീസിൽ ക്രൈം രജിസ്റ്റർ ചെയ്ത് അന്വേഷണം ആരംഭിച്ചു. വരുംദിവസങ്ങളിലും വിപുലമായ റെയ്ഡുകൾ നടത്തും
. റെയ്ഡിൽ പ്രിവൻ്റീവ് ഓഫീസർ(ഗ്രേഡ്) ഷാഫി.വി, സിവിൽ എക്സൈസ് ഓഫീസർമാരായ അജിത്ത്.പി, അനിൽ.എ,അഖിൽ.പി എന്നിവർ പങ്കെടുത്തു.
