Trending

എൽപിഎസ്ടി സമരം തീർക്കാൻ സർക്കാർ നീക്കം; വളർമതിയുമായി ചർച്ച നടത്തും

തിരുവനന്തപുരം: സെക്രട്ടേറിയറ്റിന് മുന്നിൽ 135 ദിവസമായി തുടരുന്ന എൽ.പി.എസ്.ടി റാങ്ക് ഹോൾഡർമാരുടെ സമരം അവസാനിപ്പിക്കാൻ സർക്കാർ തലത്തിൽ നീക്കം സജീവമാകുന്നു. 23 ദിവസമായി നിരാഹാര സമരം അനുഷ്ഠിക്കുന്ന സമരസമിതി കൺവീനർ വളർമതി ആരോഗ്യനില വീണ്ടെടുത്താലുടൻ വിഷയത്തിൽ ചർച്ച നടത്താനാണ് സർക്കാർ തീരുമാനം.

വിദ്യാഭ്യാസ മന്ത്രി എൻ. ഷംസുദീനുമായുള്ള ചർച്ചയിൽ പങ്കെടുക്കുന്നതിന്റെ ഭാഗമായി വളർമതി ജലപാനം ആരംഭിച്ചിട്ടുണ്ട്. രണ്ടോ മൂന്നോ ദിവസത്തിനുള്ളിൽ ഇവരുടെ ആരോഗ്യനില മെച്ചപ്പെടുമെന്നാണ് അധികൃതരുടെ വിലയിരുത്തൽ. എങ്കിലും, ചർച്ചയിലൂടെ തങ്ങളുടെ ആവശ്യങ്ങളിൽ വ്യക്തമായ പരിഹാരം ഉണ്ടായതിനുശേഷം മാത്രമേ നിരാഹാര സമരം പൂർണ്ണമായും അവസാനിപ്പിക്കുകയുള്ളൂ എന്ന നിലപാടിലാണ് വളർമതി.

സമരപ്പന്തലിൽ മറ്റൊരു റാങ്ക് ഹോൾഡറായ ജയകൃഷ്ണൻ അനുഷ്ഠിക്കുന്ന നിരാഹാര സമരം ആറാം ദിവസത്തിലേക്ക് കടന്നു. റാങ്ക് ഹോൾഡർമാർക്ക് ഐക്യദാർഢ്യം പ്രഖ്യാപിച്ചുകൊണ്ട് സി.ജെ.പിയുടെ നേതൃത്വത്തിലുള്ള റിലേ നിരാഹാര സമരവും സെക്രട്ടേറിയറ്റിന് മുന്നിൽ തുടരുകയാണ്.

Avatar

editors

About Author

Leave a comment

Your email address will not be published. Required fields are marked *

You may also like

International News Trending

ദുബൈയിലുണ്ടായ വാഹനാപകടത്തില്‍ ആറ് മലയാളികള്‍ ഉള്‍പ്പെടെ 17 പേര്‍ മരിച്ചു

വ്യാഴാഴ്ച വൈകിട്ട് ദുബൈ മുഹമ്മദ് ബിൻ സായിദ് റോഡിൽ വെച്ചാണ് അപകടം . ബസ് സൈൻബോർഡിലേക്ക് ഇടിച്ചു കയറുകയായിരുന്നു ഒമാനിൽ നിന്ന് ദുബൈയിലെത്തിയ യാത്രാ ബസ് അപകടത്തിൽപ്പെട്ട്
Local Trending

കളരിക്കണ്ടി എ. എല്‍. പി. സ്‌കൂള്‍ പ്രവേശനോത്സവം

കുന്നമംഗലം: കളരിക്കണ്ടി എ. എല്‍. പി. സ്‌കൂള്‍ പ്രവേശനോത്സവം വി. ടി. സുരേഷ്മാസ്റ്റര്‍ ഉദ്ഘാടനം ചെയ്തു. പി. ടി. എ. പ്രസിഡന്റ് ഇ. പ്രമോദ് അധ്യക്ഷനായി. എല്‍എസ്എസ്,
error: Protected Content !!