കുന്ദമംഗലം: ഗർഭാശയ ഗള ക്യാൻസറിനെ പ്രതിരോധിക്കുക എന്ന ലക്ഷ്യത്തോടെ കുന്ദമംഗലം ഗ്രാമ പഞ്ചായത്തും, കുന്ദമംഗലം കുടുംബാരോഗ്യ കേന്ദ്രവും സംയുക്തമായി സംഘടിപ്പിക്കുന്ന എച്ച്.പി.വി വാക്സിനേഷൻ ഗ്രാമപഞ്ചായത്ത് പ്രസിഡന്റ് ശ്രീ. സി. വി. സംജിത്ത് ഉത്ഘാടനം ചെയ്തു. കുടുംബാരോഗ്യ കേന്ദ്രത്തിലെ അസിസ്റ്റൻ്റ് സർജൻ ഡോ. അശ്വിൻ ശ്രീവാസ് വിഷയാവതരണം നടത്തി.വാർഡ് മെമ്പർ ശ്രീമതി. ജിഷ , പബ്ലിക്ക് ഹെൽത്ത് നഴ്സ് ശ്രീമതി. ജയലക്ഷ്മി.കെ, ജെ.പി.എച്ച്.എൻ.ശ്രീമതി. ബിന്ദു എന്നിവർ സംസാരിച്ചു. ആരോഗ്യ പ്രവർത്തകർ, ആശ പ്രവർത്തകർ എന്നിവർ പരിപാടിക്ക് നേതൃത്വം നൽകി.
കുന്ദമംഗലം ഗ്രാമ പഞ്ചായത്തിൽ എച്ച്പിവി വാക്സിനേഷന് തുടക്കമായി

