കുന്ദമംഗലം: കുന്ദമംഗലം ഹയർ സെക്കണ്ടറി സ്ക്കൂൾ പൂർവ്വ വിദ്യാർത്ഥികൾ ഒരുക്കിയ മെഗാ മ്യൂസിക്കൽ സിംഫണി വേറിട്ട അനുഭവമായി. റിപ്പബ്ളിക് ദിനത്തിൽ സ്ക്കൂൾ അങ്കണത്തിൽ മുന്നൂറോളം വിദ്യാർത്ഥികൾ ഒരേ വസ്ത്രത്തിൽ അണിനിരന്നാണ് രാസലഹരിക്കെതിരെ ഗാന വിരുന്ന് സംഘടിപ്പിച്ചത്. യുവഗായിക കീർത്തന ശബരീഷ് ഉദ്ഘാടനം നിർവ്വഹിച്ചു. ചടങ്ങിൽ കുന്ദമംഗലം ഗ്രാമ പഞ്ചായത്ത് പ്രസിഡണ്ട് സി.വി. ഷംജിത്ത് സ്വരം മ്യൂസിക്സിന്റെ ഉദ്ഘാടനം നടത്തി. കുന്ദമംഗലം പോലീസ് സർക്കിൾ ഇൻസ്പെക്ടർ കിരൺ മുഖ്യാതിഥിയായി. കോഡിനേറ്റർ എം.പി. അനൂപ് കുമാർ അദ്ധ്യക്ഷത വഹിച്ചു. ചെയർമാൻ ശബരി ശബരീഷ്, ജനറൽ കൺവീനർ എം.കെ. മനോജ് കുമാർ, രവീന്ദ്രൻ കുന്ദമംഗലം, കെ.വിജയൻ മാസ്റ്റർ,പി. കോയ മാസ്റ്റർ എന്നിവർ പ്രസംഗിച്ചു. നടൻ വിജയൻ കാരന്തൂരിനെയും ബാബു ചുനക്കരയെയും ചടങ്ങിൽ ആദരിച്ചു.
ശ്രദ്ധേയമായി രാസലഹരിക്കെതിരായ മെഗാ ഗാന വിരുന്ന്
