കുന്ദമംഗലം : കുന്ദമംഗലം ഹൈസ്ക്കൂൾ ‘ഒപ്പം’ എസ്.എസ്.എൽ.സി ബാച്ച് ഓണാഘോഷവും വിവിധ കോഴ്സുകളിൽ ഉന്നത വിജയം കരസ്ഥമാക്കിയ അംഗങ്ങളുടെ കുട്ടികളെ അനുമോദിക്കുകയും ചെയ്തു. കുന്ദമംഗലം കെ.സി.നായർ മെമ്മോറിയൽ ഹാളിൽ നടന്ന പരിപാടി സി. ഡബ്ല്യു.ആർ.ഡി.എം പ്രിൻസിപ്പൽ സയന്റിസ്റ്റ് ഡോ. ടി.കെ.ദൃശ്യ ഉദ്ഘാടനം ചെയ്തു.
ലഭ്യമാകുന്ന ഏത് ചെറിയ സാധ്യതകളും കൃത്യമായി ഉപയോഗപ്പെടുത്തണമെന്ന് ഡോ.ടി.കെ ദൃശ്യ മികച്ച വിജയം കരസ്ഥമാക്കിയ വിദ്യാർത്ഥികളെ ഓർമിപ്പിച്ചു. പ്രസിഡണ്ട് എൻ. സതീശൻ അധ്യക്ഷത വഹിച്ചു.
വി.സജിത,നാസർ കാരന്തൂർ, പി.പവിത്രൻ, ടി.വി.അംബുജാക്ഷി, എം. കെ.മോഹൻദാസ് എന്നിവർ സംസാരിച്ചു. ടി.എം.ശൈലജ ദേവി,സി.ശിവദാസൻ, എൻ.കെ.രാജശ്രീ, കെ.സി.സൈനുദ്ദീൻ, എന്നിവരുടെ നേതൃത്വത്തിൽ വിവിധ കലാപരിപാടികളും അരങ്ങേറി. സെക്രട്ടറി കെ.വി. സുനിൽകുമാർ സ്വാഗതവും ഐ. മുഹമ്മദ് കോയ നന്ദിയും പറഞ്ഞു.
