കുന്ദമംഗലം :പ്രാദേശിക മാധ്യമ പ്രവർത്തകർക്ക് സർക്കാർ സൗജന്യ ഇൻഷുറൻസ് സുരക്ഷയും മറ്റാനുകൂല്യവും അനുവദിക്കണമെന്നാവിശ്യപ്പെട്ട് മുൻ എം എൽ എ യു സി രാമൻ മുഖ്യമന്ത്രിക്ക് കത്തയച്ചു. മാധ്യമ പ്രവർത്തകർക്ക് സർക്കാർ സൗജന്യ ഇൻഷുറൻസ് സുരക്ഷ ലഭ്യമാക്കുന്നതിനൊപ്പം ഒരു മാധ്യമ പ്രവർത്തകന് പതിനായിരം രൂപ വീതമെങ്കിലും ധനസഹായമായി ഉടനടി അനുവദിക്കണമെന്നും അദ്ദേഹം കത്തിൽ അഭ്യർത്ഥിച്ചു.
സാമ്പത്തിക സഹായം എത്തിക്കുകയും ഇൻഷുറൻസ് ഏർപ്പെടുത്തുകയും ചെയ്യുന്നതോടൊപ്പം മറ്റ് മാസ്ക് ,സാനിറ്ററൈസ് തുടങ്ങിയ ആരോഗ്യ സുരക്ഷാ ഉപകരണങ്ങളും സൗജന്യമായി പ്രവർത്തകർക്കായി നൽകണമെന്നും ആവശ്യപ്പെട്ടു. വിവിധങ്ങളായ മാധ്യമ സ്ഥാപനങ്ങൾക്ക് വേണ്ടി തെരുവുകളിലും ഗ്രാമങ്ങളിലും ജോലി ചെയ്യുന്ന ആയിരക്കണക്കിന് പ്രവർത്തകർ നേരിടുന്ന ബുദ്ധിമുട്ടിനെ മുൻ നിർത്തയായിരുന്നു അഭ്യർത്ഥന.
നിരവധി പേരാണ് പ്രായസപ്പെട്ട് ജോലി ചെയ്യുന്നതെന്നും പൊതു സമൂഹത്തിൽ നല്ല പരിഗണനയുള്ള ഇവരിൽ പലരും ഇന്ന് പട്ടിണിയിലാണെന്നുമുള്ള കാര്യം നൽകിയ കത്തിൽ അദ്ദേഹം പറഞ്ഞു. ആരോഗ്യ പ്രവർത്തകരെയും പോലീസിനെയും പോലെ തന്നെ പരിഗണന നൽകേണ്ട വിഭാഗമാണ് മാധ്യമ പ്രവർത്തകരുമെന്ന കാര്യം അദ്ദേഹം സൂചിപ്പിച്ചു. കത്തിന്റെ കോപ്പി പ്രതിപക്ഷ നേതാവ് രമേശ് ചെന്നിത്തലയ്ക്കും,കുന്ദമംഗലം എം എൽ എ അഡ്വ: പി ടി എ റഹിമിനും മറ്റ്ബദ്ധപെട്ടവർക്കും കോപ്പി അയച്ചിട്ടുണ്ട്.
