തമിഴ്നാട്ടിലെ അവിനാശിയില് 19 പേരുടെ മരണത്തിന് ഇടയാക്കിയ വാഹനാപകടത്തില് ലോറി ഡ്രൈവര്ക്കെതിരെ അശ്രദ്ധമായി വാഹനമോടിച്ചതിനും മനഃപൂര്വ്വമല്ലാത്ത നരഹത്യയ്ക്കും പോലീസ് കേസെടുത്തു. . ഇയാളുടെ ഡ്രൈവിംഗ് ലൈസന്സ് റദ്ദാക്കാനുള്ള നടപടികളും സ്വീകരിക്കും. ഡ്രൈവിങ്ങിനിടെ ശ്രദ്ധ നഷ്ടപ്പെട്ടതാണ് അപകടത്തിലേക്ക് വഴിവച്ചതെന്നാണ് ഡ്രൈവറുടെ മൊഴി.ഡ്രൈവിങ്ങിനിടയില് ശ്രദ്ധ നഷ്ടപ്പെട്ടെന്നും ഡിവൈഡറില് ഇടിച്ച ശേഷമാണ് നിയന്ത്രണം നഷ്ടപ്പെട്ടതായി തിരിച്ചറിവ് വന്നതെന്നും ഡ്രൈവര് ഇയാള് പറഞ്ഞു. ഹേമരാജനെ ഇന്ന് കോടതിയില് ഹാജരാക്കും.
കൊച്ചി കടവന്ത്രയിലെ കോസ്റ്റ ഷിപ്പിങ്ങ് കമ്പനിയുടേതാണ് ലോറി. വല്ലാര്പാടം ടെര്മിനലില് നിന്ന് ടൈല് നിറച്ച കണ്ടെനറുമായി പോകുന്നതിനിടെയാണ് അപകടത്തില്പ്പെട്ടത്. ഡിവൈഡറില് ഇടിച്ച് കയറിയതിന്റെ ആഘാതത്തില് കണ്ടെനര് ഇരട്ടിപ്രഹരത്തില് ബസ്സിലേക്ക് ഇടിച്ച് കയറുകയായിരുന്നു. അപകടത്തിന് പിന്നാലെ ഒളിവില് പോയ ഹേമരാജിനെ ഈറോഡിലെ പെരുന്തുറയില് നിന്നാണ് തമിഴ്നാട് പൊലീസ് അറസ്റ്റ് ചെയ്തത്.
