പെരിന്തൽമണ്ണ: പൗരത്വ നിയമം പിൻവലിക്കണം എന്നാവശ്യപ്പെട്ട്, പുതുവത്സരാഘോഷങ്ങൾക്ക് അവധി നൽകി, വേറിട്ട പ്രതിഷേധവുമായി പൂപ്പലം എം.എസ്.ടി.എം ആർട്സ് ആൻറ് സയൻസ് കോളേജ് വിദ്യാർത്ഥികൾ.
മതനിരപേക്ഷ ഇന്ത്യയ്ക്ക് വേണ്ടിയുള്ള പോരാട്ടം തുടരുമെന്ന പ്രതിജ്ഞയോടെ,കറുപ്പ് വസ്ത്രം ധരിച്ചാണ് വിദ്യാർത്ഥികൾ കാമ്പസിലെത്തിയത്. വിവിധ മുദ്രാവാക്യങ്ങൾ ആലേഖനം ചെയ്ത ഹൈഡ്രജൻ ബലൂൺ ആകാശത്തേക്ക് ഉയർത്തി വൻ പ്രതിഷേധ പരിപാടികളാണ് നടന്നത്.
രാജ്യത്തെ ജനങ്ങളെ മതത്തിന്റെ പേരിൽ ഭിന്നിപ്പിക്കാൻ, ഫാഷിസ്റ്റ് സർക്കാറിനെ വിദ്യാർത്ഥിത്വം അനുവദിക്കില്ലെന്ന പ്രഖ്യാപനമാണ് കാമ്പസിൽ നടന്നത്.
പരിപാടികൾക്ക് കോളേജ് യൂണിയൻ ചെയർമാൻ കെ.പി. ആസിഫ് അലി, യു.യു.സി റഈസ് കക്കൂത്ത്, ജന. സെക്രട്ടറി നബീൽ, ശബീബ് പൂപ്പലം, അസ്ലം എന്നിവർ നേതൃത്വം നൽകി.
