കുന്ദമംഗലം ഉപജില്ല സ്കൂൾ കലോത്സവം; മേളയുടെ ഭാഗമായി വിളംബര ജാഥ നടന്നു

കുന്ദമംഗലം ഉപജില്ല സ്കൂൾ കലോത്സവം ഓഫ് സ്റ്റേജ് മത്സരങ്ങളോടെ ആരംഭിച്ചു. നവംബർ 6 8 9 10 തിയ്യതികളിലായി, കുന്ദമംഗലം ഹയർ സെക്കൻഡറി സ്കൂൾ ,എ എം എൽ പി സ്കൂൾ ,കുന്ദമംഗലം എയുപി സ്കൂൾ എന്നിവിടങ്ങളിലായി നടക്കുന്ന മേളയുടെ ഭാഗമായി വിളംബര ജാഥ നടന്നു. കുന്ദമംഗലം എയുപി സ്കൂൾ പരിസരത്ത് നിന്നും ആരംഭിച്ച വിളംബര ജാഥ എ എം എൽ പി സ്കൂളിൽ സമാപിച്ചു. കുന്ദമംഗലം ബ്ലോക്ക് പഞ്ചായത്ത് പ്രസിഡണ്ട് അരിയിൽ അലവി ,ഗ്രാമപഞ്ചായത്ത് പ്രസിഡൻറ് ലിജി പുൽക്കുന്നുമ്മൽ, ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ ചന്ദ്രൻ തിരുവലത്ത്, എ ഇ ഒ പോൾ കെ.ജെ, വിവിധ വാർഡ് മെമ്പർമാർ, വിവിധ സ്കൂൾ പ്രതിനിധികൾ ,വിദ്യാർത്ഥികൾ ,എൻഎസ്എസ് ,എസ് പി സി ,ജെ ആർ സി യൂണിറ്റുകൾ ,അധ്യാപകർ ,വിവിധ കമ്മിറ്റികളുടെ ചെയർമാൻമാർ തുടങ്ങിയവർ വിളംബര ജാഥയിൽ പങ്കെടുത്തു.