തമിഴ് നടനും സംഗീത സവിധായകനുമായ വിജയ് ആന്റണിയുടെ മകൾ ആത്മഹത്യ ചെയ്തു. ഇന്ന് പുർലർച്ചെ മൂന്ന് മണിക്ക് ചെന്നൈ ടിടികെ റോഡിലെ വീട്ടിൽ ഫാനിൽ തൂങ്ങിയ നിലയിലാണ് മീരയെ കണ്ടെത്തിയത്. പ്ലസ്സ് ടു വിദ്യാർത്ഥിനിയാണ്. ഉടൻതന്നെ ചെന്നൈയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.അതേസമയം മീര കുറച്ച് കാലമായി മാനസിക സമ്മര്ദ്ദത്തിനുള്ള ചികിത്സ എടുത്തിരുന്നതായാണ് റിപ്പോര്ട്ടുകള്.
പഠനത്തില് മികവ് പുലര്ത്തുന്ന, പാഠ്യേതര പ്രവര്ത്തനങ്ങളിലും താല്പര്യമുള്ള ആളായിരുന്നു മീര സ്കൂളിലെ കള്ച്ചറല് സെക്രട്ടറി സ്ഥാനത്തേക്ക് ജൂണ് മാസത്തില് മീര തെരഞ്ഞെടുക്കപ്പെട്ടിരുന്നു. മകളെക്കുറിച്ച് പലപ്പോഴും അഭിമാനത്തോടെ പറഞ്ഞിട്ടുള്ള അമ്മ ഫാത്തിമ വിജയ് ആന്റണി മകളുടെ ഈ നേട്ടത്തിന്റെ സന്തോഷവും സോഷ്യല് മീഡിയയിലൂടെ പങ്കുവച്ചിരുന്നു.മീരയെ കൂടാതെ ലാറ എന്ന മറ്റൊരു മകള് കൂടി വിജയ് ആന്റണിക്ക് ഉണ്ട്
