കോഴിക്കോട്: മീഞ്ചന്ത വട്ടക്കിണർ എസ്.കെ.സംഗീത-ചിത്രകലാവിദ്യാലയത്തിന്റെ ആഭിമുഖ്യത്തിൽ സാംസ്കാരിക സദസ്സും ഫാത്തിമഫിദയുടെ ചിത്രപ്രദർശനവും സംഘടിപ്പിച്ചു. പ്രശസ്ത രേഖാ ചിത്രകാരൻ മദനൻ ഉദ്ഘാടനം നിർവ്വഹിച്ചു. സംഗീത സംവിധായകൻ കൈതപ്രം വിശ്വനാഥൻ മുിഖ്യാതിഥിയായിരുന്നു.കലാവിദ്യാഭ്യാസത്തിന്റെ പ്രസക്തി എന്ന വിഷയത്തിൽ രവീന്ദ്രൻ കുന്ദമംഗലം മുഖ്യപ്രഭാഷണം നടത്തി.എസ്.കെ.വിദ്യാലയത്തിന്റെ പ്രിൻസിപ്പൽ എസ്.കിഷോർ സ്വാഗതം പറഞ്ഞ ചടങ്ങിൽ സംഗീതഅദ്ധ്യാപകൻ ഷാജു ഒളവണ്ണ അദ്ധ്യക്ഷത വഹിച്ചു. മുതിർന്ന സംഗീതജ്ഞൻ ബാലകൃഷ്ണൻമാസ്റ്ററെ ചടങ്ങിൽ പൊന്നാട അണിയിച്ചാദരിച്ചു.മുൻ കൗൺസിലർ പ്രിയകുമാർ, ബിജുലാൽ എന്നിവർ പ്രസംഗിച്ചു. ഫാത്തിമഫിദ നന്ദി പറഞ്ഞു.