നായികാ നായകന് എന്ന റിയാലിറ്റി ഷോയിലൂടെ അഭിനയ ലോകത്തേക്ക് എത്തിയതാണ് വിന്സി അലോഷ്യസ്. ഷോയിലൂടെ തന്നെ നിരവധി ആരാധകരും വിന്സിയ്ക്ക് ഉണ്ടായിരുന്നു. വിന്സിയുടെ കോഴിക്കറി ഇപ്പോഴും സോഷ്യല് മീഡിയയില് ട്രെന്റിങും ആണ്.
സിനിമ നടി ആകണം എന്നത് ചെറുപ്പം മുതലുള്ള തന്റെ ആഗ്രഹമായിരുന്നു എന്ന് വിന്സി പറയുന്നു. വളരെ ചെറുപ്പത്തില് തന്നെ ഞാന് നടിയാവും എന്ന് മനസ്സില് ഉറപ്പിച്ചതാണ്. എന്റെ അച്ഛന് ഒരു ഡ്രൈവറാണ്. ഒരു ഡ്രൈവറുടെ മകള്ക്ക് കാണാന് പറ്റിയ സ്വപ്നമല്ല സിനിമ എന്നാണ് എന്റെ അമ്മ പറഞ്ഞിരുന്നത്. .
നായികാ നായകന് എന്ന ഷോയ്ക്ക് വേണ്ടിയുള്ള ആദ്യത്തെ ഒഡിഷന് പരാജയപ്പെട്ട ആളാണ് ഞാന്. പിന്നീട് ഒരു അവസരം കിട്ടിയപ്പോള് അതില് പിടിച്ചു കയറുകയായിരുന്നു. തുടക്കത്തിലൊക്കെ നെഗറ്റീവ് കമന്റുകളാണ് കേട്ടിരുന്നത്. ചെയ്യാന് പറ്റില്ല എന്നത് ചെയ്തു കാണിച്ചു കൊടുക്കണം എന്ന വാശി എന്റെ ഉള്ളിലുണ്ടായിരുന്നു എന്നാണ് വിന്സി പറയുന്നത്.
നായികാ നായകന് എന്ന ഷോ കഴിഞ്ഞാല് എനിക്ക് സിനിമകളുടെ പ്രവാഹം ആയിരിക്കും എന്നാണ് ഞാന് കരുതിയത്. പക്ഷെ ഒന്പത് മാസത്തോളം ഒരു സിനിമയും ഇല്ലാതെ എനിക്ക് വെറുതേ ഇരിക്കേണ്ടി വന്നു.
തീരെ സിനിമകള് വന്നിരുന്നില്ല. ഒരു മികച്ച തുടക്കത്തിന് വേണ്ടി കാത്തിരിയ്ക്കുകയായിരുന്നു.
സിനിമയില് നിന്ന് ഒരുപാട് റിജക്ഷന്സ് നേരിടേണ്ടി വന്നിട്ടുണ്ട്. തടിയുടെ കാര്യം പറഞ്ഞും അവസരങ്ങള് നഷ്ടപ്പെട്ടിട്ടുണ്ട്. പക്ഷെ എനിക്കുള്ളത് എന്നെ തേടി വരും എന്ന വിശ്വാസത്തില് ഞാന് ഉറച്ച് നില്ക്കുന്നു.
സിനിമയെ കുറിച്ചുള്ള എന്റെ കാഴ്ചപ്പാടുകളും ഒരുപാട് മാറി.
സിനിമയില് ഇന്റിമേറ്റ് രംഗങ്ങള് അഭിനയിച്ചതില് എനിക്ക് ഒരു കുറ്റബോധവും ഇല്ല. പറയുന്നവര്ക്ക് എന്തും പറയാം. കഥ വായിച്ച് എനിക്ക് കണ്വിന്സിങ് ആയ ശേഷം മാത്രമാണ് ചെയ്യുന്നത്. രേഖ എന്ന ചിത്രത്തില് അങ്ങിനെ ഒരു രംഗമുണ്ട് എന്ന് അറിഞ്ഞപ്പോള് വീട്ടുകാരോട് ഞാന് പറഞ്ഞിരുന്നു.
പല തരത്തിലുള്ള വിമര്ശനങ്ങളും പൊതു സമൂഹത്തില് നിന്നും ഞാന് പ്രതീക്ഷിച്ചതും ആണ്. അത്തരം രംഗങ്ങള് ചെയ്യുന്നതിനോട് വീട്ടുകാര് ഇപ്പോഴും പൂര്ണമായും അംഗീകരിച്ചിട്ടില്ല. എന്നിരുന്നാലും അവര് പറഞ്ഞാല് പോലും ഞാന് കേള്ക്കില്ല. വീട്ടുകാര് എതിര്ത്താലും ചെയ്യേണ്ടത് ചെയ്യുമെന്ന് വിന്സി പറഞ്ഞു.
