ജുന്നർ: വിവാഹ ഫോട്ടോ വ്യത്യസ്തമാക്കാനുള്ള ശ്രമത്തിനിടെ കയ്യിലിരുന്ന തോക്ക് പൊട്ടി വധുവിന്റെ മുഖത്തേക്ക് തീ ആളിപ്പടർന്നു. മഹാരാഷ്ട്രയിലെ ജുന്നറിലാണ് വിവാഹ വേദിയിൽ വച്ച് അപകടം സംഭവിച്ചത്. അതിരുകടക്കുന്ന വിവാഹാഘോഷം അപകടം ക്ഷണിച്ചുവരുത്തുകയായിരുന്നു.
പാര്ട്ടികള്ക്ക് ഉപയോഗിക്കുന്ന ‘സ്പാര്ക്ക്ള് ഗണ്’ ഉപയോഗിച്ചായിരുന്നു വരന്റേയും വധുവിന്റേയും അഭ്യാസപ്രകടനം. ഈ തോക്കും കൈയില് പിടിച്ച് ഫോട്ടോയ്ക്ക് പോസ് ചെയ്യുകയായിരുന്നു ഇരുവരും.തോക്കില് നിന്ന് ‘പൂത്തിരി’ വരുത്തി ഫോട്ടോ എടുക്കുകയായിരുന്നു ലക്ഷ്യം. പക്ഷേ തീ കഴുത്തിലണിഞ്ഞ കല്ല്യാണമാലയിലേക്ക് പടര്ന്നു. ഇതോടെ കളി കാര്യമായി. കിട്ടിയ ജീവനുംകൊണ്ട് തോക്കും മാലയും കളഞ്ഞ് വധു വേദിയില് നിന്ന് ഓടിയിറങ്ങി. ചുറ്റും നില്ക്കുന്നവരും പേടിച്ചുവിറച്ചു.
വൈകാതെ ഇതിന്റെ വീഡിയോ സോഷ്യല് മീഡിയയില് വൈറലായി. സംഭവത്തിൽ വരനേയും വധുവിനേയും വിമര്ശിച്ച് നിരവധി പേരാണ് രംഗത്തെത്തിയത്.
