കുന്ദമംഗലം: കോഴിക്കോട് ജില്ലയിലെ ബി 130-കുന്ദമംഗലം ബ്ലോക്ക് പഞ്ചായത്ത് (14 പൂവ്വാട്ടുപറമ്പ്), നിയോജകമണ്ഡലത്തിലേക്ക് സെപ്തംബര് മൂന്നിന് ഉപതിരഞ്ഞെടുപ്പ് നടക്കുന്നതിനാല് പ്രസ്തുത മണ്ഡലത്തിലെ പരിധിക്കുളളില് വരുന്ന സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും സെപ്തംബര് മൂന്നിന് പ്രാദേശിക അവധിയായി ജില്ലാ തിരഞ്ഞെടുപ്പ് ഓഫീസര് കൂടിയായ ജില്ലാ കലക്ടര് പ്രഖ്യാപിച്ചു. കൂടാതെ ഉപതെരഞ്ഞെടുപ്പ് നടക്കുന്ന വാര്ഡുകളിലെ വോട്ടര്മാരായ സര്ക്കാര്, അര്ദ്ധസര്ക്കാര്, പൊതുമേഖല സ്ഥാപനങ്ങള്, നിയമാനുസൃത കമ്പനികള്, ബോര്ഡുകള്, കോര്പ്പറേഷനുകള് എന്നീ സ്ഥാപനങ്ങളിലെ ജീവനക്കാര്ക്ക് പ്രസ്തുത വാര്ഡിലെ വോട്ടറാണെന്ന് തെളിയിക്കുന്ന രേഖ സഹിതം അപേക്ഷിക്കുന്ന പക്ഷം സ്വന്തം പോളിംഗ് സ്റ്റേഷനില് പോയി വോട്ട് ചെയ്യുന്നതിന് പ്രത്യേക അനുമതി നല്കുവാന് ബന്ധപ്പെട്ട ഓഫീസ് മേലധികാരികള് ശ്രദ്ധിക്കേണ്ടതാണെന്നും ജില്ലാ കലക്ടര് അറിയിച്ചു.
