ഒരിടവേളയ്ക്കു ശേഷം സംസ്ഥാനത്ത് വീണ്ടും മഴ ശക്തമാകുന്നു. അടുത്ത മൂന്ന് മണിക്കൂറില് പതിമൂന്ന് ജില്ലകളിലും മഴ സാധ്യത. വൈകിട്ട് നാല് മണിക്ക് ശേഷമുള്ള അറിയിപ്പില് അടുത്ത 3 മണിക്കൂറില് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് എന്നീ ജില്ലകളില് ഒറ്റപ്പെട്ടയിടങ്ങളില് ഇടിയോടു കൂടിയ മഴയ്ക്കും മണിക്കൂറില് 40 കീ.മി വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചത്. അതേസമയം നേരത്തെ പ്രഖ്യാപിച്ച പ്രകാരം സംസ്ഥാനത്ത് ഏഴ് ജില്ലകളില് ഇന്ന് യെല്ലോ അലര്ട്ട് തുടരുകയാണ്.
മധ്യ തെക്കന് ബംഗാള് ഉള്കടലില് ചക്രവാതചുഴി നിലനില്ക്കുന്നതാണ് കേരളത്തില് മഴ ശക്തമാകാനുള്ള കാരണം. തിങ്കളാഴ്ച രണ്ടു ജില്ലകളില് അതിതീവ്ര മഴ മുന്നറിയിപ്പാണ്. ഇതേത്തുടര്ന്ന് ഇടുക്കി, കോട്ടയം ജില്ലകളില് ഓറഞ്ച് അലെര്ട്ട് പ്രഖ്യാപിച്ചു.
ചൊവ്വാഴ്ച തിരുവനന്തപുരം മുതല് തൃശൂര് വരെ ജില്ലകളില് ഓറഞ്ച് എലര്ട്ട് പ്രഖ്യാപിച്ചു. കര്ണാടക- തമിഴ്നാട് തീരത്തെ ന്യൂനമര്ദ്ദ പാത്തിയാണ് ശക്തമായ മഴയ്ക്കു കാരണം. ഉച്ചയ്ക്ക് ശേഷം ഇടിമിന്നലോട് കൂടിയ മഴയ്ക്കാണ് സാധ്യത.