സംസ്ഥാനത്ത് ഇന്ന് 121 പേര്ക്ക് കോവിഡ് സ്ഥിരീകരിച്ചതായി മുഖ്യമന്ത്രി അറിയിച്ചു. തുടര്ച്ചയായി 11ാം ദിവസമാണ് 100 ല് അധികം രോഗികള്. 79 പേര് രോഗമുക്തി നേടിയതായും മുഖ്യമന്ത്രി അറിയിച്ചു.
24-ന് മഞ്ചേരി മെഡിക്കല് കോളേജില് മരിച്ച തമിഴ്നാട് സ്വദേശിക്ക് കൊവിഡ് സ്ഥിരീകരിച്ചിട്ടുണ്ട്. ഇന്നാണ് ഫലം വന്നത്. രോഗം സ്ഥിരീകരിച്ചവരില് 78 പേര് വിദേശത്ത് നിന്ന് വന്നതാണ്. 26 പേര് ഇതരസംസ്ഥാനങ്ങളില് നിന്ന് വന്നവരും. സമ്പര്ക്കം വഴി 5 പേര്ക്ക് രോഗമുണ്ടായി.
സംസ്ഥാനത്ത് ഇന്നലത്തെ കണക്കനുസരിച്ച് രോഗികളുടെ എണ്ണം രണ്ടായിരം കടക്കുകയും, തുടര്ച്ചയായ പത്താം ദിവസവും പുതുതായി രോഗബാധ സ്ഥിരീകരിച്ചവരുടെ എണ്ണം 100 കടക്കുകയും ചെയ്തിട്ടുണ്ട്.
പൊസിറ്റീവായവരുടെ ജില്ല തിരിച്ചുള്ള കണക്ക് – തൃശ്ശൂര് 26, കണ്ണൂര് 14 മലപ്പുറം 13 പത്തനംതിട്ട 13 പാലക്കാട് 12 കൊല്ലം 11 കോഴിക്കോട് 9, ആലപ്പുഴ, എറണാകുളം, ഇടുക്കി അഞ്ച് വീതം, കാസര്കോട്, തിരുവനന്തപുരം നാല് വീതം.
നെഗറ്റീവായവരുടെ കണക്ക് – തിരുവനന്തപുരം 3, കൊല്ലം 18, ആലപ്പുഴ കോട്ടയം 8 വീതം, എറണാകുളം നാല്, തൃശൂര് അഞ്ച് പാലക്കാട് മൂന്ന്, കോഴിക്കോട്, എട്ട് , മലപ്പുറം ഏഴ്, കണ്ണൂര് 13, കാസര്കോട് 2.
കഴിഞ്ഞ 24 മണിക്കൂറില് 5244 സാംപിളുകള് പരിശോധിച്ചു. ഇതുവരെ 4311 പേര്ക്കാണ് രോഗം സ്ഥിരീകരിച്ചത്. 2057 പേരാണ് ചികിത്സയിലുള്ളത്. 2662 പേര് ആശുപത്രികളില് നിരീക്ഷണത്തിലാണ്. 286 പേരെ ഇന്ന് ആശുപത്രിയിലേക്ക് മാറ്റി. എല്ലാ ഇനത്തിലുമായി 2,64,727 പേരില് നിന്നും സാംപിള് ശേഖരിച്ച് പരിശോധനയ്ക്ക് അയച്ചു.
സ്വകാര്യ ലാബുകള് കൂടി 1,71,846 വ്യക്തികളുടെ സാംപിള് പരിശോധിച്ചതില് 2774 എണ്ണത്തില് ഫലം ഇനിയും വരാനുണ്ട്. സെന്റിനല്സ് സര്വ്വേ വഴി മുന്ഗണനാവിഭഗത്തില്പ്പെട്ട 46689 സാംപിളുകള് ശേഖരിച്ചു. അതില് 45065 എണ്ണം നെഗറ്റീവായി. സംസ്ഥാനത്തെ ഹോട്ട് സ്പോട്ടുകളുടെ എണ്ണം 118 ആയി. മലപ്പുറത്തെ പൊന്നാനി താലൂക്കില് ഇന്ന് വൈകിട്ട് അഞ്ച് മുതല് ജൂലൈ ആറ് അര്ധരാത്രി വരെ ട്രിപ്പിള് ലോക്ക് ഡൌണ് നടപ്പാക്കും. ധാരാളമായി കൊവിഡ് കേസുകള് റിപ്പോര്ട്ട് ചെയ്ത മേഖലകളില് വ്യാപകമായി കൊവിഡ് പരിശോധന നടത്തും. രോഗലക്ഷണമുള്ളവര്, ആരോഗ്യപ്രവര്ത്തകര്, ബാങ്ക് ജീവനക്കാര്, ഓട്ടോ-ടാക്സി ഡ്രൈവര്മാര് എന്നിവര്ക്ക് ലക്ഷണം ഇല്ലെങ്കിലും പരിശോധന നടത്തും. മാര്ക്കറ്റുകളിലും പരിശോധനം നടത്തും.
