സ്വര്ണകടത്ത് കേസ് അട്ടിമറിക്കാന് നീക്കമെന്ന പ്രതിപക്ഷത്തിന്റെ അടിയന്തര പ്രമേയ നോട്ടീസ് സഭ നിര്ത്തിവച്ച് ചര്ച്ച ചെയ്യാന് തയ്യാറെന്ന് മുഖ്യമന്ത്രി പിണറായി വിജയന് ,വിഷയത്തിന്റെ വിവിധ വശങ്ങള് ജനങ്ങള് അറിയേണ്ടതിനാല് ചര്ച്ചയാകാമെന്ന് മുഖ്യമന്ത്രി പറഞ്ഞു. നിയമസഭയില് പ്രതിപക്ഷം നല്കിയ അടിയന്തര പ്രമേയ നോട്ടീസിന് അനുമതി നല്കി. സഭ നിര്ത്തിവെച്ച് ഒരു മണിക്കൂര് ചര്ച്ച ചെയ്യാമെന്നാണ് അറിയിച്ചിട്ടുള്ളത്. ഉച്ചക്ക് 1 മണി മുതല് 2 മണിക്കൂര് ചര്ച്ച നടക്കും. അടിയന്തര പ്രമേയ നോട്ടീസ് അവതരിപ്പിച്ച ഷാഫി പറമ്പിലുള്പ്പെടെ പ്രതിപക്ഷത്തു നിന്നും ഭരണപക്ഷത്ത് നിന്നും തെരഞ്ഞെടുക്കപ്പെട്ട അംഗങ്ങള് ചര്ച്ചയില് പങ്കെടുക്കും,സ്വര്ണക്കടത്തുമായി ബന്ധപ്പെട്ട് സ്വപ്ന സുരേഷ് നല്കിയ പുതിയ വെളിപ്പെടുത്തലിന്റെ പശ്ചാത്തലത്തിലാണ് പ്രതിപക്ഷം അടിയന്തര പ്രമേയത്തിന് അനുമതി തേടിയത്.
സ്വപ്നയുടെ രഹസ്യമൊഴി പിന്വലിക്കുന്നതിനായി സര്ക്കാര് ഇടപെട്ടുവെന്നാണ് പ്രതിപക്ഷം ആരോപിച്ചിരുന്നത്. രണ്ടാം പിണറായി വിജയന് സര്ക്കാര് നിയമസഭയില് ചര്ച്ചയ്ക്കെടുക്കുന്ന രണ്ടാമത്തെ അടിയന്തര പ്രമേയമാണിത്.
