ഇന്ത്യയിൽ കോവിഡ് വ്യാപനം രൂക്ഷമാകുന്നു. ഒരു ദിവസം മാത്രം റിപ്പോർട്ട് ചെയ്യുന്ന കണക്കിൽ വലിയ രീതിയിലുള്ള ഉയർച്ചയാണ് രേഖപ്പെടുത്തുന്നത്. കഴഞ്ഞ ദിവസങ്ങളിൽ 24 മണിക്കൂറിനിടെ രേഖപ്പെടുത്തിയത് പതിനെട്ടായിരമായിരുന്നെങ്കിൽ ഇന്നത് ഇരുപതിനായിരത്തോട് അടുക്കുന്നു. 19906 പോസിറ്റീവ് കേസുകളും 329 മരണവുമാണ് ഇന്നലെ മാത്രം റിപ്പോർട്ട് ചെയ്തിരിക്കുന്നത്.
ഇതോടെ മരണ സംഖ്യ പതിനാറായിരം കടന്ന് 16095 ആയി. ആകെ രോഗികളുടെ എണ്ണം 5,28,859 ആയി 309712 പേർ രോഗമുക്തി നേടി. ചികിത്സയിലുള്ളവരുടെ എണ്ണം 203051 ആണ്.മഹാരാഷ്ട്ര, ഡൽഹി, തമിഴ്നാട്, തെലങ്കാന, ഗുജറാത്ത്, ഉത്തർപ്രദേശ്, ആന്ധ്ര, പശ്ചിമ ബംഗാൾ എന്നിവയാണ് രോഗവ്യാപനം രൂക്ഷമായ സംസ്ഥാനങ്ങൾ.
