താനൂര്‍ : കോവിഡ് പശ്ചാത്തലത്തിൽ സർക്കാർ പുറത്തിറക്കിയ ശമ്പള ഭേദഗതി ഉത്തരവ് കത്തിച്ച കെപിഎസ്ടിഎ സംസ്ഥാന പ്രസിഡന്റ് വി കെ അജിത് കുമാറിന്റെ നടപടിക്കെതിരെ വിദ്യാര്‍ഥികളുടെ പ്രതിഷേധം. പുത്തന്‍തെരു എഎല്‍പി സ്‌കൂളിലെ വിദ്യാര്‍ഥികളാണ് പ്രധാന അധ്യാപകന്റെ ആഹ്വാനത്തിനെതിരായി ദുരിതാശ്വാസനിധിയിലേക്ക് സംഭാവന നല്‍കി മാതൃക കാട്ടി പ്രതിഷേധിച്ചത്.
വിഷുക്കൈനീട്ടമായി കിട്ടിയ പണവും, കയ്യില്‍ കരുതിയ ചെറിയ സമ്പാദ്യവുമെല്ലാം ചേര്‍ത്ത് മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകാനായി താനാളൂര്‍ പഞ്ചായത്ത് പ്രസിഡന്റ് എന്‍ മുജീബ് ഹാജിയുടെ കൈവശം പണം നൽകി. കെ ആദര്‍ശ്, സി അനന്യ ജോണി, സി ആതിര സണ്ണി, കെ വി സ്‌നേഹല്‍, കൈനിക്കര നഹ്ല, പി ഖദീജ റിഥ എന്നിവര്‍ ചേര്‍ന്നാണ് പണം സ്വരൂപിച്ചത്.
