പാലക്കാട്: ബിജെപി അദ്ധ്യക്ഷനായിരുന്ന പിഎസ് ശ്രീധരന് പിള്ളയെ മിസോറാം ഗവര്ണറായി പ്രഖ്യാപിച്ചതോടെ ബിജെപി അധ്യക്ഷ സ്ഥാനത്തിനെച്ചൊല്ലിയുള്ള അഭ്യൂഹങ്ങള് തുടങ്ങി. അധ്യക്ഷ സ്ഥാനത്തേക്ക് വരാന് കെല്പ്പുള്ള ഒരുപാട് പേര് പാര്ട്ടിയിലുണ്ടെന്ന് ശോഭാ സുരേന്ദ്രന്. ജനങ്ങള്ക്കും പാര്ട്ടി പ്രവര്ത്തകര്ക്കും താത്പര്യമുള്ള ഒരു വ്യക്തി പാര്ട്ടി പ്രസിഡന്റിന്റെ പദവിയില് എത്തും. ക്യാപ്റ്റന് ആരാണോ ആ ക്യാപ്റ്റനോടൊപ്പം നിന്ന് കൊണ്ട് ഒന്നാന്തരമായി പ്രവര്ത്തിക്കാന് സാധിക്കുന്ന കളിക്കാര് ഞങ്ങളുടെ പാര്ട്ടിക്കകത്തുണ്ട്. ഉചിതമായ സമയത്ത് പാര്ട്ടിക്ക് പുതിയ അധ്യക്ഷന് വരും. അധികാരത്തിന്റെ തണലിലിരുന്ന്കൊണ്ടാണ് ഇരുമുന്നണികളും ഞങ്ങളെ കല്ലെറിഞ്ഞിട്ടുള്ളതെന്നും ശോഭാ സുരേന്ദ്രന് പറഞ്ഞു.
ഞങ്ങള് അടിക്കാന് പോകുന്ന ഗോളുകള് തടുക്കാന് ശക്തിയുള്ള ഒരു യുവനിര പ്രതിപക്ഷത്ത് കാണാന് സാധ്യതയില്ല. കളി ഞങ്ങള് തുടങ്ങാന് പോകുകയാണെന്നും ശോഭാ സുരേന്ദ്രന് പറഞ്ഞു.
