ഇടുക്കി: നെടുങ്കണ്ടത്ത് മരണവീട്ടിലുണ്ടായ സംഘര്ഷത്തില് കേരള കോണ്ഗ്രസ് എം നേതാവ് യുവാവിനെ കുത്തി പരുക്കേല്പ്പിച്ചു. നെടുങ്കണ്ടം സ്വദേശി ഫ്രിജോ ഫ്രാന്സിസിനാണ് കുത്തേറ്റത്. നെടുങ്കണ്ടം ഗ്രാമപഞ്ചായത്ത് മുന് അംഗവും കേരള കോണ്ഗ്രസ് എം സംസ്ഥാന കമ്മിറ്റി അംഗവുമായ ജിന്സണ് പൗവ്വത്താണ് ഫ്രിജോ ഫ്രാന്സിനെ കുത്തിയത്.
കുത്തേറ്റ ഫ്രിജോയെ നെടുങ്കണ്ടത്തെ സ്വകാര്യ ആശുപത്രിയില് പ്രവേശിപ്പിച്ചു. സംഭവത്തില് ജിന്സനെ പൊലീസ് കസ്റ്റഡിയിലെടുത്തു.
