തിരുവമ്പാടിയില്‍ നിന്ന് മാറ്റുന്ന അന്താരാഷ്ട്ര സ്റ്റേഡിയം മാമ്പറ്റയില്‍ തന്നെ: തീരുമാനമായി

മു​ക്കം: തി​രു​വ​മ്പാ​ടി നി​യോ​ജ​ക മ​ണ്ഡ​ല​ത്തി​ന് അ​നു​വ​ദി​ച്ച അ​ന്താ​രാ​ഷ്ട്ര സ്റ്റേ​ഡി​യം മാ​മ്പ​റ്റ​യി​ൽ നി​ർ​മ്മി​ക്കാ​ൻ തീ​രു​മാ​ന​മാ​യി.
തിരുവമ്പാടിയില്‍ തു​ട​ർ​ച്ച​യാ​യി വെ​ള്ള​പ്പൊ​ക്ക​മു​ണ്ടാ​വു​ന്ന സാ​ഹ​ച​ര്യ​ത്തി​ൽ മുക്കം നഗരസഭയിലെ മാമ്പറ്റയിലേക്ക് മാ​റ്റു​ക​യാ​യി​രു​ന്നു. ന​ഗ​ര​സ​ഭ​യു​ടെ അ​ധീ​ന​ത​യി​ലു​ള്ള ര​ണ്ട് എ​ക്ക​റോ​ളം വ​രു​ന്ന മാ​മ്പ​റ്റ മി​നി സ്റ്റേ​ഡി​യ​മാ​ണ് അ​ന്താ​രാ​ഷ്ട്ര നി​ല​വാ​ര​മു​ള്ള സ്റ്റേ​ഡി​യ​മാ​ക്കി മാ​റ്റു​ന്ന​ത്. ആ​റ​ര​കോ​ടി​യോ​ളം രൂ​പ ചി​ല​വ​ഴി​ച്ചാ​ണ് സ്റ്റേ​ഡി​യം നി​ർ​മ്മി​ക്കു​ന്ന​ത്.
200 മീ​റ്റ​ർ സി​ന്ത​റ്റി​ക് ട്രാ​ക്ക്, ഫു​ട്ബോ​ളി​നാ​യി പു​ൽ​മൈ​താ​നം, ആ​ധു​നി​ക ജിം​നേ​ഷ്യം, ജം​പിം​ഗ് പി​റ്റു​ക​ൾ, ഗാ​ല​റി എ​ന്നി​വ നി​ർ​മ്മി​ക്കാ​നാ​ണ് പ​ദ്ധ​തി. സ്റ്റേ​ഡി​യം നി​ർ​മ്മാ​ണം പൂ​ർ​ത്തി​യാ​വു​ന്ന​തോ​ടെ ദേ​ശീ​യ സം​സ്ഥാ​ന മ​ത്സ​ര​ങ്ങ​ൾ​ക്കും ഇ​വി​ടം വേ​ദി​യാ​വും.
നി​ർ​മ്മാ​ണ ചു​മ​ത​ല​യു​ള്ള കി​റ്റ്കോ ക​മ്പ​നി​ 10 ദി​വ​സ​ത്തി​ന​കം നി​ർ​മ്മാ​ണം തു​ട​ങ്ങാ​ൻ ക​ഴി​യു​മെ​ന്നാ​ണ് പ്ര​തീ​ക്ഷ​യെ​ന്നും ഗൗ​ണ്ട് അ​ന്താ​രാ​ഷ്ട്ര സ്റ്റേ​ഡി​യ​ത്തി​ന് അ​നു​യോ​ജ്യ​മാ​ണ​ന്നും പ​റ​ഞ്ഞു.

സ്റ്റേ​ഡി​യ​ത്തി​ന് 6.9 കോ​ടി​യു​ടെ ഭ​ര​ണാ​നു​മ​തിയാണ്‌ ലഭിച്ചിട്ടുള്ളത്‌. സം​സ്ഥാ​ന സ്പോ​ർ​ട്സ് ഡ​യ​റ​ക്ട​റേ​റ്റ് കി​റ്റ്കോ​യു​ടെ സ​ഹാ​യ​ത്തോ​ടെ​യാ​ണ് പ​ദ്ധ​തി രേ​ഖ ത​യ്യാ​റാ​ക്കി​യ​ത്