പരിക്കേറ്റ അശ്വിൻ
കോഴിക്കോട് നഗരത്തില് ഞായറാഴ്ച രാത്രി യുവദമ്പതികള്ക്കുനേരെ ആക്രമണം. ബൈക്കില് പോകുമ്പോള് അഞ്ചംഗ സംഘം ആക്രമിച്ചെന്ന് ദമ്പതികള് പറയുന്നു. ഇരിങ്ങാടന്പള്ളി സ്വദേശികള്ക്കുനേരെയാണ് ആക്രമണമുണ്ടായത്. ഭാര്യയോട് മോശമായി പെരുമാറിയത് ചോദ്യം ചെയ്തപ്പോൾ മർദ്ദനമേറ്റെന്നും അശ്വിൻ വ്യക്തമാക്കി.‘
കഴിഞ്ഞ ദിവസം രാത്രി പത്തോടെയായിരുന്നു സംഭവം. ഭാര്യയും ഞാനും സിനിമ കണ്ട ശേഷം ഭക്ഷണം കഴിക്കാനായി നഗരത്തിലേക്കു പോകുകയായിരുന്നു. ഈ സമയത്തു 2 സ്കൂട്ടറുകളിലായി 5 യുവാക്കൾ വന്നു. ഞങ്ങളെ കളിയാക്കുന്ന പോലെ അവർ പാട്ടുപാടി.
ഭാര്യയെ കണ്ണിറുക്കി കാണിച്ചപ്പോൾ ഞാൻ ചോദ്യം ചെയ്തു. അപ്പോൾ അവരുടെ കൂട്ടത്തിലുണ്ടായിരുന്ന ഒരാൾ എന്നെ വന്നു തല്ലി. മോശമായ വാക്കുകൾ ഉപയോഗിച്ചു ഞങ്ങളോടു കയർത്തു സംസാരിച്ചുവെന്നും ഉടനെ തന്നെ വണ്ടിയുടെ നമ്പർ ഉൾപ്പെടെ നടക്കാവ് പൊലീസിനു പരാതി നൽകിയതായും ദമ്പതികൾ പറഞ്ഞു.
