റാഞ്ചി: ജാര്‍ഖണ്ഡിലെ വെസ്റ്റ് സിംഗ്ഭും ജില്ലയില്‍ ഭാര്യയേയും പ്രായപൂര്‍ത്തിയാകാത്ത രണ്ട് പെണ്‍മക്കളെയും കൊലപ്പെടുത്തിയ പിതാവ് അറസ്റ്റില്‍. കൊലപാതകം നടത്തുമ്പോള്‍ പ്രതി മദ്യപിച്ചതായി പൊലീസ് പറഞ്ഞു. മുഫാസില്‍ പൊലീസ് സ്റ്റേഷന് കീഴിലുള്ള ലുദ്രബാസ ഗ്രാമത്തിലാണ് കുടുംബം താമസിച്ചിരുന്നത്.
മദ്യപാനത്തിന്റെ പേരില്‍ ഗുരുചരണ്‍ പാഡിയയും ഭാര്യ ജനോയും തമ്മില്‍ വഴക്ക് പതിവായിരുന്നുവെന്ന് പൊലീസ് പറഞ്ഞു. ചൊവ്വാഴ്ച പുലര്‍ച്ചെ 2:30തോടെ ഇവര്‍ തമ്മില്‍ വാക്ക് തര്‍ക്കമുണ്ടായതായും, കോടാലി എടുത്ത് പാഡിയ ഭാര്യയെയും 5 വയസ്സും ഒരു വയസ്സും പ്രായമുള്ള പെണ്‍മക്കളെയും കൊലപ്പെടുത്തിയതായും പൊലീസ് പറഞ്ഞു.
