കുന്ദമംഗലം; പൗരത്വ ബില്ലിനെതിരെ കുന്ദമംഗലത്ത് എംഎല്എ പിടിഎ റഹീംന്റെ നേതൃത്വത്തില് മതേതര കൂട്ടായ്മ സംഘടിപ്പിച്ചു. മതത്തിന്റെ അടിസ്ഥാനത്തില് പൗരത്വം നിര്ണയിക്കുന്ന പൗരത്വ ഭേദഗതി നിയമത്തിനെതിരെ സത്യാഗ്രഹ കൂട്ടായ്മ കുന്ദമംഗലം ബ്ലോക്ക് പഞ്ചായത്ത് ഓപ്പണ് സ്റ്റേജിലാണ് നടത്തിയത്. വിവിധ രാഷ്ട്രീയ സാസംകാരിക സംഘടന പ്രതിനിധികളും ജന പ്രതിനിധികളും പങ്കെടുത്തു. യോഗത്തില് ജില്ല പഞ്ചായത്ത് പ്രസിഡന്റ് ബാബു പറശ്ശേരി അദ്ധ്യക്ഷത വഹിച്ചു. സിപിഐഎം ജില്ല കമ്മറ്റി അംഗം പി.കെ പ്രേംനാഥ് ഉദ്ഘാടനം ചെയ്തു. ചൂലൂര് നാരായണന്, അബൂബക്കര് ഫൈസി മലയമ്മ, മുഹമ്മദലി സഖാഫി വള്ളിയാട്, മുസ്തഫ നുസ്രി, ബ്ലോക്ക് പഞ്ചായത്ത് വൈസ് പ്രസിഡന്റ് ശിവദാസന് നായര്, ഇ. വിനോദ് കുമാര്, പടാളിയില് ബഷീര്, അഷ്റഫ് ഹാജി കാരന്തൂര് തുടങ്ങിയവര് പങ്കെടുത്തു.
പൗരത്വ ബില്ലിനെതിരെ മതേതര കൂട്ടായ്മ സംഘടിപ്പിച്ചു
