ഉത്തർ പ്രദേശ് : രാജ്യത്ത് അതിഥി തൊഴിലാളികളുടെ മരണം തുടർക്കഥയാകുന്നു. പുതുതായി രാജ്യത്തെ നടുക്കുന്ന വാർത്ത വന്നിരിക്കുന്നത് ഉത്തർപ്രദേശിൽ നിന്നാണ്. യു പിയിൽ രണ്ട് ട്രക്കുകൾ കൂട്ടിയിടിച്ചുണ്ടായ അപകടത്തിൽ 24 അതിഥി തൊഴിലാളികൾ മരണപ്പെട്ടു. രാജസ്ഥാനിൽ നിന്നും സ്വദേശത്തേക്കായി പുറപ്പെട്ട ആളുകളാണ് മരണപ്പെട്ടത്.
ഉത്തർ പ്രദേശിലെ ഔരയ ജില്ലയിലാണ് അപകടം. വാഹനത്തിൽ ഉണ്ടായിരുന്ന നിരവധി പേർക്ക് പരിക്കേറ്റിട്ടുണ്ട്. ഇവരെ ആശുപത്രികളിലേക്ക് മാറ്റി. ബീഹാർ , ജാർഖണ്ഡ്, പശ്ചിമ ബംഗാൾ തുടങ്ങിയ സംസ്ഥാനത്തെ ആളുകളാണ് മരണപ്പെട്ടിരിക്കുന്നത്. ലോക്ക് ഡൗൺ കാലയളവിൽ നാട്ടിലേക്ക് മടങ്ങുന്ന തൊഴിലാളികളുടെ എണ്ണം ഉയരുന്ന സാഹചര്യമാണ് നിലവിലുള്ളത്.
