ന്യൂഡല്ഹി: നാഷണല് ഹെറാള്ഡ് കേസില് സോണിയ ഗാന്ധിക്കും രാഹുല് ഗാന്ധിക്കുമെതിരായ ഇഡി നടപടിക്കെതിരെ രാജ്യവ്യാപക പ്രതിഷേധവുമായി കോണ്ഗ്രസ്. ഡല്ഹിയിലെ എഐസിസി ആസ്ഥാനത്തിന് മുന്നില് പ്രതിഷേധിച്ച നേതാക്കളെ പൊലീസ് കസ്റ്റഡിയിലെടുത്തു നീക്കി. നാഷണല് ഹെറാള്ഡ് കേസില് സോണിയ ഗാന്ധിയെയും രാഹുല്ഗാന്ധിയെയും ഒന്നും രണ്ടും പ്രതികളാക്കി കുറ്റപത്രം സമര്പ്പിച്ച ഇഡി നടപടിക്കെതിരെ ആയിരുന്നു ഡല്ഹി എഐസിസി സ്ഥാനത്തിന് മുന്നില് കോണ്ഗ്രസിന്റെ പ്രതിഷേധം. പത്രം പ്രസിദ്ധീകരിച്ചിരുന്ന അസോസിയേറ്റഡ് ജേര്ണല് ലിമിറ്റഡ് യങ് ഇന്ത്യ ലിമിറ്റഡ് ഏറ്റെടുത്തതില് സാമ്പത്തിക ക്രമക്കേട് നടന്നതായാണ് ഇഡിയുടെ കണ്ടെത്തല്.
കേസ് രാഷ്ട്രീയ പ്രേരിതമാണെന്നും നിയമപരമായി നേരിടും എന്നും കോണ്ഗ്രസ് നേതാക്കള് പ്രതികരിച്ചു.
