കൊച്ചി: പോലീസിനെതിരെ രൂക്ഷവിമർശനവുമായി കെപിസിസി അധ്യക്ഷൻ കെ സുധാകരൻ. ബ്രഹ്മപുരം വിഷയത്തിൽ അന്വേഷണം ആവശ്യപ്പെട്ടും യോഗത്തിനെത്തിയ കൗൺസിലർമാരെ പോലീസ് തല്ലിച്ചതച്ചെന്ന് ആരോപിച്ചു. കോർപറേഷൻ ഓഫീസിന് മുന്നിൽ കോൺഗ്രസ് നടത്തുന്ന ഉപരോധം ഉദ്ഘാടനം ചെയ്യുകയായിരുന്നു അദ്ദേഹം.
കൊച്ചിയിലെ പോലീസ് കൊടിച്ചിപ്പട്ടികളാണെന്ന് സുധാകരൻ പറഞ്ഞു. പോലീസിനെ ഓടിച്ചിട്ട് തല്ലാൻ കെൽപ്പുള്ളവരാണ് കോൺഗ്രസ് പ്രവർത്തകർ. അതേസമയം കമ്യൂണിസ്റ്റ് പാർട്ടിയിലെ അഴിമതികാണിക്കാത്ത ഒരേയൊരു നേതാവ് എം വി ഗോവിന്ദനാണെന്നും കെ സുധാകരൻ പറഞ്ഞു. അഴിമതിക്കാരനായ മുഖ്യമന്ത്രിക്ക് ചൂട്ടു പിടിക്കുന്നുവെന്ന വിമർശനമാണ് ഗോവിന്ദനോടുള്ളത്. മുഖ്യമന്ത്രിയുടെ അഴിമതിക്കെതിരെ പ്രതികരിക്കാനുള്ള നട്ടെല്ല് എംവി ഗോവിന്ദൻ ഇനിയെങ്കിലും കാണിക്കണമെന്നും സുധാകരൻ കൂട്ടിച്ചേർത്തു.
