നാല്പത്തി ഒന്‍പതാമത് സംസ്ഥാന സീനിയര്‍ സൂപ്പര്‍ സോണ്‍ വോളിബോള്‍ ചാമ്പ്യന്‍ ഷിപ്പിന്റെ വനിതാ വിഭാഗം ആദ്യ സെമി ഫൈനല്‍ മത്സരത്തില്‍ കണ്ണൂരിനെ നേരിട്ടുള്ള സെറ്റുകള്‍ക്ക്
(25-15, 25-19,25-13 ) പരാജയപ്പെടുത്തി യാണ് കോഴിക്കോട് ഫൈനല്‍ മത്സരത്തിന് അര്‍ഹത നേടിയത് . പാലാ അല്‍ഫോന്‍സാ കോളേജില്‍ പി ജി വിദ്യാര്‍ത്ഥിയും പാറ്റേണ്‍ കാരന്തൂരിലൂടെ യുസഫ് കാരന്തൂര്‍ വോളിബോള്‍ കോര്‍ട്ടിലേക്ക് എത്തിച്ച നീതുവിന്റെ നേതൃത്വത്തില്‍ ഇറങ്ങിയ കോഴിക്കോടിന് വെല്ലുവിളി ആയത് ഇടുക്കി ജില്ലാ ടീം മാത്രം ആണ്.
നീതു, അഞ്ജന, ആര്യ, ജിനി, സൂര്യ, അതുല്യ, ലിബറോ സുഷമ എന്നിവര്‍ ഒന്നിനൊന്നു മികച്ച പ്രകടനം നടത്തിയപ്പോള്‍ കോഴിക്കോട് അനായാസം ഫൈനലിലേക്ക് എത്തുകയായിരുന്നു. പരിശീലകരായ യൂസഫിന്റെയും ജിഷയുടെയും പരിശീലന പരിചയവും കോഴിക്കോടിന്റെ വിജയത്തില്‍ നിര്‍ണ്ണായകമായി.
