ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദം ശക്തി പ്രാപിച്ച് ആന്ധ്ര തീരം വഴി കരയില് പ്രവേശിച്ചു. കേരളത്തില് ഇന്ന് അതിശക്തമായ മഴയ്ക്കും വ്യാഴാഴ്ച്ച വരെ ശക്തമായ മഴയ്ക്ക് സാധ്യതയെന്നും കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കോഴിക്കോട് ഓറഞ്ച് അലര്ട്ടും, പതിമൂന്ന് ജില്ലകളില് യെല്ലോ അലേര്ട്ടും പ്രഖ്യാപിച്ചു. മത്സ്യതൊഴിലാളികള് കടലില് പോകരുതെന്ന് മുന്നറിയിപ്പ്.
ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദം ശക്തി പ്രാപിച്ച്, അതിതീവ്ര ന്യൂനമര്ദ്ദമായി മാറി, ആന്ധ്ര തീരത്ത്, നര്സാപുരിനുംവിശാഖപട്ടണത്തിനും ഇടയില് കരയില് പ്രവേശിച്ചു. കേരളത്തില് ഇന്ന് അതിശക്തമായ മഴയ്ക്കുള്ള സാധ്യതയാണ് കേന്ദ്ര കാലാവസ്ഥ നിരീക്ഷണ കേന്ദ്രം പ്രവചിക്കുന്നത്.
കോഴിക്കോട് ഓറഞ്ച് അലേര്ട്ടും, പതിമൂന്ന് ജില്ലകളില് യെല്ലോ അലേര്ട്ടും പ്രഖ്യാപിച്ചു. സംസ്ഥാനത്ത് വ്യാഴാഴ്ച്ച വരെ ശക്തമായ മഴ തുടരാന് സാധ്യതയെന്നും മുന്നറിയിപ്പ്. തിരുവനന്തപുരം, കൊല്ലം, പത്തനംതിട്ട,ഒഴികെയുള്ള 11 ജില്ലകളില് നാളെ മഴ മുന്നറിയിപ്പുണ്ട്. ഇടിമിന്നലോട് കൂടിയ മഴയ്ക്കായിരിക്കും സാധ്യത.
താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്, മണ്ണിടിച്ചില് സാധ്യതയുള്ള മലയോര പ്രദേശങ്ങളിലും താമസിക്കുന്നവര് അതീവ ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി നിര്ദേശം നല്കി. കേരള, കര്ണാടക തീരങ്ങളില് ശക്തമായ കാറ്റിനും കടല് പ്രക്ഷുബ്ധമാകാനും സാധ്യതയുണ്ട്.
മത്സ്യതൊഴിലാളികള് കടലില് പോകരുതെന്ന് കര്ശന മുന്നറിയിപ്പ്നല്കി.
അതേസമയം, നിലവില് ആന്ധ്രാ തീരത്തിന് സമീപം കരയില് പ്രവേശിച്ച അതി തീവ്ര ന്യൂനമര്ദ്ദംഒക്ടോബര് 15 ഓടെ തെക്കന് ഗുജറാത്തിനും വടക്കന് കൊങ്കണ് തീരത്തിനും ഇടയില് അറബിക്കടലില് പ്രവേശിക്കാന് സാധ്യതയെന്നും കാലാവസ്ഥ വകുപ്പ് മുന്നറിയിപ്പ് നല്കി. ഒക്ടോബര് 15 ഓടെ തന്നെ ബംഗാള് ഉള്ക്കടലില് ആന്ഡമാന് തീരത്ത് പുതിയ ന്യൂനമര്ദ്ദം രൂപപ്പെടാനുള്ള സാധ്യതയും പ്രവചിക്കുന്നു.
