സംസ്ഥാനത്ത് അഞ്ച് ദിവസം ഇടി മിന്നലോടുകൂടിയ വ്യാപകമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. തെക്കന് തമിഴ്നാടിന്റെ തീരദേശത്തിന് മുകളില് നിലനിന്നിരുന്ന ചക്രവാതചുഴി തെക്ക് കിഴക്കന് അറബികടലില് പ്രവേശിച്ചതാണ് വ്യാപകമായ മഴയ്ക്ക് കാരണം.ഇടുക്കിയില് അതിശക്തമായ മഴയ്ക്കാണ് സാധ്യത. ജില്ലയില് അതീവ ജാഗ്രതാ നിര്ദേശം പുറപ്പെടുവിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, വയനാട് എന്നിവടങ്ങളില് യെല്ലോ അലര്ട്ടാണ്.
നാളെ തിരുവനന്തപുരം, കൊല്ലം, പത്തനംതിട്ട, ഇടുക്കി, മലപ്പുറം എന്നിവിടങ്ങലില് യെല്ലോ അലേര്ട്ട് പ്രഖ്യാപിച്ചു.
അടുത്ത ദിവസങ്ങളിലും കേരളത്തില് ഒറ്റപ്പെട്ടയിടങ്ങളില് കനത്ത മഴയുണ്ടാകും. മഴയ്ക്കൊപ്പം ഇടിമിന്നലിനും 40 കിലോമീറ്റര് വരെ വേഗതയില് കാറ്റിനും സാധ്യതയുണ്ട്. വെള്ളിയാഴ്ച വരെ ശക്തമായ മഴ തുടരാനാണ് സാധ്യത.
