സംസ്ഥാനത്ത് ഇന്ന് 1212 പേര്ക്ക് കോവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. രോഗം സ്ഥിരീകരിച്ചവരില് 1068 പേര്ക്കും സമ്പര്ക്കം വഴിയാണ് രോഗം പിടിപെട്ടത്. ഇതില് 45 പേരുടെ ഉറവിുടം വ്യക്തമല്ല. 51 പേര് വിദേശത്ത് നിന്നും വന്നവരാണ്. 64 പേര് മറ്റ് സംസ്ഥാനങ്ങളില് നിന്നും വന്നു. 22 ആരോഗ്യ പ്രവര്ത്തകര്ക്കും രോഗമുണ്ട്. സംസ്ഥാനത്ത് ഇന്ന് 880 പേരാണ് രോഗമുക്തി നേടിയത്.
സംസ്ഥാനത്ത് ഇന്ന് അഞ്ച്് മരണമാണ് റിപ്പോര്ട്ട് ചെയ്തത്. കാസർഗോസ് സ്വദേശി ഷംസുദീൻ 53, തിരുവനന്തപുരം സ്വദേശി കനകരാജ് 50, എറണാകുളം സ്വദേശി മറിയംകുട്ടി 77, കോട്ടയം കാരപ്പുഴ സ്വദേശി ടിപി ദാസപ്പൻ, കാസർകോഡ് സ്വദേശി ആദംകുഞ്ഞ്, ഇടുക്കി സ്വദേശി അജിതൻ 55 എന്നിവരുടെ മരണമാണ് കൊവിഡ് മൂലമാണെന്ന് സ്ഥിരീകരിച്ചത്.
പൊസീറ്റീവായവരുടെ ജില്ല തിരിച്ചുള്ള കണക്ക്: തിരുവനന്തപുരം 266, മലപ്പുറം 261 , എറണാകുളം 121, ആലപ്പുഴ 118, കോഴിക്കോട് 93, പാലക്കാട് 81, കോട്ടയം 76, കാസർകോട് 68, ഇടുക്കി 42, കണ്ണൂര് 31, പത്തനംതിട്ട 19, തൃശ്ശൂർ 19, വയനാട് 12, കൊല്ലം 5.
