കുന്ദമംഗലം : ജില്ലയിലെ കുന്ദമംഗലം, തിരുവമ്പാടി മണ്ഡലങ്ങളിലൂടെ കടന്നു പോകുന്ന പ്രധാന റോഡായ കുന്ദമംഗലം-അഗസ്ത്യമൂഴി-എന്‍ഐടി റോഡിനെ കേന്ദ്ര റോഡ് ഫണ്ട് പദ്ധതിയില്‍ ഉള്‍പ്പെടുത്തി അഭിവൃദ്ധിപ്പെടുത്തുന്ന പ്രവൃത്തിയുടെ ഉദ്ഘാടനം നാളെ (ജൂലൈ 13) ഉച്ചക്ക് 12 മണിക്ക് പൊതുമരാമത്ത്, രജിസ്‌ട്രേഷന്‍ വകുപ്പ് മന്ത്രി ജി. സുധാകരന്‍ അഗസ്ത്യ മൂഴിയില്‍ നിര്‍വ്വഹിക്കും. ജോര്‍ജ് എം തോമസ് എംഎല്‍എ ചടങ്ങില്‍ അധ്യക്ഷത വഹിക്കും. പി.ടി.എ റഹീം എംഎല്‍എ മുഖ്യപ്രഭാഷണം നടത്തും. എംപി മാരായ രാഹുല്‍ഗാന്ധി, എം.കെ രാഘവന്‍ എന്നിവര്‍ മുഖ്യാതിഥികളാവും. ദേശീയപാത എക്സിക്യൂട്ടീവ് എഞ്ചിനീയര്‍ വിനയരാജ് കെ റിപ്പോര്‍ട്ട് അവതരിപ്പിക്കും. മുക്കം നഗരസഭ ചെയര്‍മാന്‍ കുഞ്ഞന്‍ മാസ്റ്റര്‍, ചാത്തമംഗലം ഗ്രാമപഞ്ചായത്ത് പ്രസിഡന്റ് കെ.എസ് ബീന, കുന്ദമംഗലം ഗ്രാമപഞ്ചായത്ത് പ്രസിഡന്റ് ഷൈജ വളപ്പില്‍, ദേശീയപാത ഉത്തരമേഖല സൂപ്രണ്ടിംഗ് എഞ്ചീനിയര്‍ സിന്ധു ടി.എസ്, അസിസ്റ്റന്റ് എക്സിക്യൂട്ടീവ് എഞ്ചിനീയര്‍ ബൈജു പി.ബി തുടങ്ങിയവര്‍ പങ്കെടുക്കും
കുന്ദമംഗലം-അഗസ്ത്യമൂഴി-എന്‍ഐടി റോഡ് പ്രവൃത്തി ഉദ്ഘാടനം നാളെ
