സംസ്ഥാനത്ത് ഇന്ന് രണ്ട് കോവിഡ് മരണം. വയനാട്, എറണാകുളം ജില്ലകളിലാണ് ഇന്ന് മരണം രേഖപ്പെടുത്തിയിരിക്കുന്നത്.
വയനാട് ജില്ലയിൽ കാരക്കാമല സ്വദേശി മൊയ്തു (59) ആണ് മരിച്ചത്. കരൾ,കിഡ്നി, സംബന്ധമായ രോഗങ്ങൾ ഇദ്ദേഹത്തിനുണ്ടായിരുന്നു. മാനന്തവാടി ജില്ലാ ആശുപത്രിയിൽ ചികിത്സയിലിരിക്കെയാണ് മരണം.
എറണാകുളം മെഡിക്കൽ കോളേജിൽ കൊവിഡ് ചികിത്സയിലായിരുന്ന ആലുവ വട്ടപ്പറമ്പ് ചെട്ടിക്കുളം മുളന്താൻ സ്വദേശി എം ഡി ദേവസി (75)യാണ് മരിച്ച മറ്റൊരാൾ . മരണം കൊവിഡ് മൂലമാണെന്ന് സ്ഥിരീകരിക്കുന്നതിനായി സ്രവം ആലപ്പുഴ എൻഐവി ലാബിലേക്കയച്ചു.
ദേവസിക്ക് പ്രമേഹവും രക്തസമ്മർദവും ഉണ്ടായിരുന്നു.
