സംസ്ഥാനത്ത് കൊവിഡ് വാക്സിനേഷന് നല്കുന്നതിനുള്ള തിയതി പ്രഖ്യാപിച്ചതോടെ 133 കേന്ദ്രങ്ങളുടെ പട്ടിക യ്യാറാക്കിയതായി ആരോഗ്യ മന്ത്രി കെ കെ ശൈലജ.
എറണാകുളം ജില്ലയില് 12 കേന്ദ്രങ്ങളാണുള്ളത്.തിരുവനന്തപുരം, കോഴിക്കോട് ജില്ലകളില് 11 കേന്ദ്രങ്ങള് വീതം ഉണ്ടാകും. ബാക്കി ജില്ലകളില് 9 കേന്ദ്രങ്ങള് വീതമാണ് ഉണ്ടാകുക.
കൊവിഡ് വാക്സിന് എത്തുന്ന നിലക്ക് അത് കൃത്യമായി വിതരണം ചെയ്യുന്നതിന് കര്മ്മ കര്മ്മ പദ്ധതി ആരോഗ്യ വകുപ്പ് തയ്യാറാക്കിയിട്ടുണ്ട്. ഒരു കേന്ദ്രത്തില് ഒരു ദിവസം 100 പേര്ക്ക് വാക്സിന് നല്കുന്ന സജ്ജീകരണങ്ങളാണ് ഒരുക്കുന്നത്. ഓരോ കേന്ദ്രത്തിലും വെയിറ്റിംഗ് ഏരിയ, വാക്സിനേഷന് റൂം, ഒബ്സര്വേഷന് റൂം എന്നിവയുണ്ടാകും. കൊവിഡ് മാനദണ്ഡങ്ങള് പാലിച്ചായിരിക്കും കേന്ദ്രങ്ങള് സജ്ജമാക്കുക. ജീവനക്കാരുടെ ലഭ്യതയും ഉറപ്പ് വരുത്തിയിട്ടുണ്ട്. കോവിഡ് വാക്സിനേഷനായി ഇതുവരെ 3,59,549 പേരാണ് രജിസ്റ്റര് ചെയ്തത്. സര്ക്കാര് മേഖലയിലെ 1,69,150 പേരും സ്വകാര്യ മേഖലയിലെ 1,90,399 പേരുമാണ് രജിസ്റ്റര് ചെയ്തിട്ടുള്ളത്.
