പ്രളയകാലത്ത് അനുവദിച്ച ഭക്ഷ്യധാന്യം സൗജന്യമല്ലെന്ന് കേന്ദ്രസര്ക്കാര്. പണം നല്കാമെന്ന് കേരളം നല്കിയ ഉറപ്പിനെത്തുടര്ന്നാണ് ഭക്ഷ്യധാന്യം നല്കിയത്. എന്നാല് പിന്നീട് കേരളം നിലപാട് മാറ്റിയെന്ന് കേന്ദ്രമന്ത്രി പിയൂഷ് ഗോയല് പറഞ്ഞു.പണം വാങ്ങുന്നതില് അസ്വഭാവികതയില്ലെന്നും കേന്ദ്രം വിശദീകരിച്ചു. പ്രകൃതി ദുരന്തം നേരിടാന് സംസ്ഥാനങ്ങള്ക്ക് കേന്ദ്രം സഹായം നല്കാറുണ്ട്. ഇങ്ങനെ അനുവദിച്ച പണം സംസ്ഥാന സര്ക്കാര് കൃത്യമായി വിനിയോഗിക്കണം. ജനങ്ങളുടെ ആവശ്യം നിറവേറ്റാത്ത സര്ക്കാര് പരാജയമെന്നും പീയുഷ് ഗോയല് പറഞ്ഞു.ജോസ് കെ മാണി എംപിയുടെ ചോദ്യത്തിന് മറുപടിയായാണ് കേന്ദ്രമന്ത്രി ഇക്കാര്യം വ്യക്തമാക്കിയത്. പ്രളയകാലത്ത് 89,540 ടണ് അരിയാണ് അധികമായി കേരളത്തിന് അനുവദിച്ചത്. ഇതിന് ഒരു കിലോയ്ക്ക് 25 രൂപ നിരത്തില് 233 കോടി രൂപ നല്കണമെന്നാണ് കേന്ദ്രസര്ക്കാര് ആവശ്യപ്പെട്ടത്.
പ്രളയകാലത്ത് കേരളത്തിന് ഭക്ഷ്യധാന്യം അനുവദിച്ചത് സൗജന്യമായല്ലെന്ന് കേന്ദ്രം
![](https://kunnamangalamnews.com/wp-content/uploads/2022/12/download-85.jpg)