യുക്രെയ്ന്റെ ബോയിങ് 737-800 വിമാനം ഇറാനില് തകര്ന്നു. 170 യാത്രക്കാരും മറ്റ് വിമാന ജീവനക്കാരും ഉള്പ്പെടെ വിമാനത്തിലുണ്ടായിരുന്ന എല്ലാവരും അപകടത്തില് മരിച്ചതായി പ്രാദേശിക വൃത്തങ്ങളെ ഉദ്ധരിച്ച് റോയിട്ടേഴ്സ് റിപ്പോര്ട്ടു ചെയ്തു. യുക്രെയ്ന് ഇന്റര്നാഷനല് എയര്ലൈന്സിന്റെ വിമാനമാണ് തകര്ന്നത്. വിമാനത്തില് യാത്രക്കാരും വിമാനജീവനക്കാരും ഉള്പ്പെടെ 180 പേരുണ്ടായിരുന്നതായാണ് ഇറാന് മാധ്യമങ്ങള് സൂചിപ്പിക്കുന്നത്.
ടെഹ്റാനിലെ ഇമാം ഖുമൈനി വിമാനത്താവളത്തില് നിന്നു യുക്രെയ്ന് തലസ്ഥാനമായ കീവിലേക്കു പ്രാദേശിക സമയം രാവിലെ 6.12 ന് പുറപ്പെട്ട വിമാനമാണ് തകര്ന്നത്. സാങ്കേതിക തകരാറാണ് വിമാനം തകരാന് ഇടയാക്കിയതെന്ന് ഇറാന് മാധ്യമങ്ങള് റിപ്പോര്ട്ട് ചെയ്തു.
