ഓണക്കാല ഉത്സവ പരിശോധന ലീഗല് മെട്രോളജി വകുപ്പ് കോഴിക്കോട് ജില്ലയില് ശക്തമാക്കി. കോഴിക്കോട്, താമരശ്ശേരി, വടകര, കൊയിലാണ്ടി താലൂക്കുകളില് പൊതുമാര്ക്കറ്റുകള്, കച്ചവടസ്ഥാപനങ്ങള് എന്നിവ പരിശോധിക്കാന് പ്രത്യേകം സ്ക്വാഡുകള് രൂപീകരിച്ചു പ്രവര്ത്തനം ആരംഭിച്ചു.
04/09/2019 മുതല് 10/09/2019 വരെ പരിശോധന തുടരുന്നതാണ്. ഉപഭോക്താക്കള്ക്ക് പരാതികള് അറിയിക്കുന്നതിനായി കോഴിക്കോട് സിവില് സ്റ്റേഷനില് ലീഗല് മെട്രോളജി വകുപ്പ് കണ്ട്രോള് റൂം ആരംഭിച്ചിട്ടുണ്ട്. കണ്ട്രോള് റൂം ഫോണ് നമ്പര് : 8281698105 . ഇതുവരെ നടത്തിയ പരിശോധനകളില് ഇരുപത്തിയഞ്ചോളം കേസുകള് രജിസ്റ്റര് ചെയ്യുകയുണ്ടായി.
