യു എ ഇ : കോവിഡ്-19 ബാധമൂലം ഗൾഫ് രാജ്യങ്ങളിൽ മരണം 441 ആയി. കഴിഞ്ഞ ദിവസം യുഎഇയില്‍ പതിനൊന്നും സൗദിയില്‍ ഒന്‍പതു പേരും മരിച്ചു. ഗൾഫ് രാജ്യങ്ങളിൽ കൊറോണ പ്രതിരോധ പ്രവർത്തനം നിലവിൽ ശക്തമായി തുടരുകയാണ്. ആറു ഗള്‍ഫ് രാജ്യങ്ങളിലായി 3,930 പേര്‍ക്ക് രോഗം സ്ഥിരീകരിച്ചു. ഇതോടെ ആകെ സ്ഥിരീകരിച്ച കേസുകള്‍ 78,744 ആയി ഉയര്‍ന്നു.
വിവിധ രാജ്യങ്ങളില്‍ രോഗ ബാധിതരില്‍ വലിയൊരു ഭാഗം പ്രവാസികളാണ്. ക്യാമ്പുകളിലും റൂമുകളിലുമായി കഴിയുന്ന ഇത്തരം ആളുകൾ തന്നെയാണ് കൂടുതലും മരണപട്ടികയിൽ പെടുന്നത്. ഇന്ത്യന്‍ എംബസിയുടെ കണക്കനുസരിച്ച് സൗദിയില്‍ മാത്രം ഇതുവരെ 2,788 ഇന്ത്യക്കാര്‍ക്കാണ് കോവിഡ് സ്ഥിരീകരിച്ചത്. ഇതില്‍ 21 പേര്‍ മരിച്ചു.യുഎഇയില്‍ മരണ സംഖ്യ 157 ആയി.
