ന്യൂ ഡൽഹി : ദിവസങ്ങൾ പിന്നീടും തോറും രാജ്യത്ത് ആശങ്ക ഏറുന്നു. കോവിഡ് ബാധിതരുടെ എണ്ണം അരലക്ഷം കഴിഞ്ഞ ദിവസത്തോടെ കടന്നു കഴിഞ്ഞു.നിലവിൽ . 52952 പേർക്കാണ് കോവിഡ് ബാധ സ്ഥിരീകരിച്ചത്. മരണസംഖ്യ 1,783 ആയി. മറ്റു രാജ്യങ്ങളെ അപേക്ഷിച്ച് ഇന്ത്യ പിറകിലാണെങ്കിലും നിലവിലെ കണക്കുകൾ രാജ്യത്തെ ഭയപെടുത്തുന്നതാണ്. മഹാ രാഷ്ട്രയിലും തമിഴ് നാട്ടിലും ഗുജറാത്തിലുമെല്ലാം അതി വേഗത്തിലാണ് വ്യാപനം നടക്കുന്നത്.
കഴിഞ്ഞ 24 മണിക്കൂറിനിടെ 89 പേർ മരണമടഞ്ഞു. നിലവിൽ ഏറ്റവും കൂടുതൽ ആളുകൾ ചികിത്സയിലുള്ളത് മഹാരാഷ്ട്രയിലാണ്. രാജ്യത്ത് ഇതുവരെ 15,266 പേർക്ക് രോഗം ഭേദമായി. നിലവിൽ 35902 പേരാണ് ചികിത്സയിലുള്ളത്. അതേ സമയം രാജ്യത്തെ അഭിസംബോധന ചെയ്ത് പ്രധാനമന്ത്രി സംസാരിച്ചു. മഹാമാരിയെ ഒറ്റക്കെട്ടായി നേരിടാമെന്ന കാര്യം അദ്ദേഹം ജനങ്ങളോടായി ആഹ്വാനം ചെയ്തു.
